"Non é privatizar, estamos 'Sergastizando'", di a Xunta tras asinar o convenio con Povisa
Ribeira Saúde é propiedade maioritaria do grupo francés Vivalto Santé. A Xunta tivo difucultades en pactar un novo convenio coa empresa para atender a gran parte da poboación con seguro público da área de Vigo. Os provedores privados de saúde cada vez dependen menos dos seus contratos cos servizos públicos dado a que cada vez máis galegos teñen seguros de pago.
O conselleiro de Sanidade, Antonio Gómez Caamaño, defendeu o novo contrato con Povisa anunciado este xoves por un importe de 195 millóns de euros e un período de vixencia de dous anos para a prestación da asistencia sanitaria especializada na área de Vigo e insistiu en que "non é privatizar".
A preguntas dos medios este venres tras reunir coa Valedora do Pobo, o titular de Sanidade explicou que o incremento se debe ao proceso "de acordo que se chegou con Povisa" e subliñou que "antes era unha especie de concerto per cápita e agora vaise a pagar por proceso".
"O Sergas vai pagar exclusivamente polo que se faga alí, cunhas tarifas axustadas, tamén co compromiso de ter un control estrito sobre toda a actividade asistencial, un compromiso tanto en Recursos Humanos como tecnolóxicos e que o hospital estea ben dotado. Iso non é privatizar; estamos 'Sergastizando' o que é Povisa", resolveu.
Escribe o teu comentario