Hospital privado de Vigo non detectou un cancro de pulmón ao confundilo cunha lumbalxia

A sección sexta da Audiencia Provincial de Pontevedra revogou unha sentenza dun xulgado de primeira instancia de Vigo, e condenou ao hospital Vithas Vigo a indemnizar con 35.000 euros á familia dunha paciente á que diagnosticaron unha lumbalxia cando, en realidade, tiña un cancro de pulmón avanzado, e que acabou falecendo semanas despois.

O xulgado de primeira instancia desestimou a demanda interposta pola familia, pero a Audiencia estimou as alegacións presentadas, e considera que os profesionais deste hospital privado non actuaron coa dilixencia debida nin tiveron unha actitude proactiva para "facer unha indagación máis exhaustiva" sobre a orixe da dor que refería a paciente.

Segundo recóllese na sentenza do tribunal provincial, desde principios de xaneiro de 2019, a muller acudiu varias veces ao hospital por unha dor nun ombreiro e por unha fractura de xeonllo. Nese momento, se le pautó rehabilitación e fármacos, pero co paso dos meses a dor non mellorou.

Cara a final dese ano, a muller acudiu a Urxencias do hospital con oun dor intensa na rexión lumbar/costal, e diagnosticóuselle unha lumbalxia. Esa dor foi empeorando co paso dos días, e fixo que a paciente acudise varias veces ao hospital, obtendo sempre o mesmo diagnóstico.

Ademais, nesas semanas, a muller referiu dificultades para respirar, perda de peso e outros síntomas. Finalmente, en xaneiro de 2020 acudiu ao Chuvi e, nunha primeira radiografía, detectáronlle un derrame pleural.

Tras ingresar en pneumoloxía e ser sometida a varias probas, confirmouse o diagnóstico: tiña un adenocarcinoma pulmonar en estadio IV con metástasis e afección na pleura, o fémur, as costelas, as vértebras e a rexión ilíaca. A súa situación era tan complicada que só se lle puideron aplicar tratamentos paliativos, e o 17 de febreiro de 2020 faleceu.

A Audiencia considera que a falta de melloría da paciente debeu alertar aos profesionais do hospital Vithas, así como a persistencia da dor ou as dificultades respiratorias, "e non se lle fixo unha simple radiografía".

Por iso, estima o recurso interposto pola familia, revogando a sentenza do xulgado de primeira instancia, e condenando ao hospital e á súa aseguradora a indemnizase ao recorrente con 35.000 euros máis intereses.