As conclusións do informe sobre as necesidades do Sergas coñeceranse "moi pronto", asegura Gómez Caamaño

O conselleiro de Sanidade apunta que "non lle fai falta" a manifestación de Vigo para saber que "hai que mellorar" a Sanidade

O conselleiro de Sanidade, Antonio Gómez Caamaño, avanzou que o informe sobre as necesidades do Sergas, coñecerase "moi pronto" xa que o borrador está "bastante avanzado".

Así o indicou nunha entrevista na Cadea Ser recollida por Europa Press na que apuntou que o problema da Sanidade "non é de contratación" senón de que "non hai proflesionales sanitarios".

"Non é un problema económico é un problema de dispoñibilidade de persoas para traballar na sanidade pública", lamentou.

MANIFESTACIÓN DE VIGO 

Así mesmo, en referencia á manifestación deste xoves en Vigo en defensa da Sanidade Pública, que "non lle fai falta" esa mobilización para saber que "hai que mellorar" a sanidade.

"Non me fai falta esa manifestación para saber que hai que mellorar por que a Sanidade Pública non é perfecta. Sempre vai haber motivos para manifestar pola sanidade, sempre, porque a demanda é infinita e sempre vai haber motivos para mellorar", indicou.

O conselleiro "entende" o malestar da xente que está a esperar para facer unha proba complementaria e tarda "moito tempo" en darlle cita. Con todo, o que para el é "realmente importante" é que o prioritario, o que compromete a calidade de vida dos pacientes, "aténdese en tempo forma".

Con todo, apuntou que o que "non comparte" é o "uso político" da sanidade. "Moléstame ese exceso de desprestifio do sistema público, non o comparto", criticou Caamaño.

PICO DA GRIPE 
Noutra orde de asuntos, preguntado sobre cando chegará o pico de contagios da gripe, o conselleiro explicou que hai "moitas dúbidas" xa que este ano o comportamento do virus é "diferente" a outros anos.

"Non sabemos aínda a día de hoxe se vai haber un pico ou real ou vai haber unha meseta que se vai a prolongar máis tempo", puntualizou Caamaño á vez que indicou que a primeira predición que houbo suxería que a "próxima semana sería o pico", pero agora parece que "vai ser dentro de dúas semanas".

COBERTURAS DE FINS DE SEMANA 
Así mesmo, o conselleiro foi consultado sobre a instrución presentada polo Sergas para regular nas sete áreas sanitarias un sistema de voluntariedad para que os médicos e pediatras de atención primaria cubran os sábados pola mañá nos centros que fagan esa quenda, incluídos os que traballan en PAC.

En relación a si cambiará a instrución, Caamaño indicou que os sábados "hai que cubrilos dalgunha forma" e remarcou que a intención da Consellería é que "se faga de forma voluntaria".

"Se non hai médicos que queiran cubrir as súas quendas de forma voluntaria, a lei, non a Consellería de Sanidade, di que ten que cubrir", apuntou.