Alerta laranxa no litoral da Coruña e o da Mariña lucense este luns

O oeste e noroeste da Coruña e A Mariña lucense manterán este luns a alerta laranxa por temporal costeiro, segundo a Axencia Estatal de Meteorología (AEMET).

Desta forma, espérase mar combinado do noroeste de entre cinco a seis metros e o aviso estenderase até o mediodía desa xornada. Mentres tanto, o litoral da provincia de Pontevedra estará en alerta amarela.

Segundo Meteogalicia, o luns as altas presións aproximaranse á Comunidade e deixarán unha mañá con ceos moi nubrado no norte, onde pode caer algunha choiva de carácter débil.

Pola tarde, haberá un tempo seco, con apertura de claros e con poucas nubes no sur e as temperaturas sufrirán un pequeno descenso.