Folga de ambulancias nas áreas sanitaria de Pontevedra, co persoal de Ambulancias Civera contra a firma

A Consellería de Sanidade, que tamén ten que atender os conflitos abertos nas ambulancias de Vigo ou Lugo, fixa os servizos mínimos no 100%. 

O persoal de Ambulancias Civera está chamado a secundar a folga os días 17, 24, 26 e 30 de abril, así como o 2 de maio. 

A #CIG comunicou a convocatoria dunha folga para os días 17, 24, 26 e 30 de abril e 2 de maio, que afectará o persoal da empresa Ambulancias Civera, S.L., que presta servizos na área Sanitaria de Pontevedra e O Salnés, para a que a Consellería de Sanidade estableceu o 100% de servizos mínimos.

Segundo recóllese no Diario Oficial de Galicia (#DOG), o ámbito da folga abarca o transporte sanitario non urxente, tanto ambulatorio como hospitalario, e o hospitalario urxente organizado e xestionado pola Dirección desta área sanitaria.

Con carácter xeral, as modalidades de transporte sanitario que inclúe esta prestación son os traslados de persoas enfermas ambulatorias aos centros sanitarios; os ingresos hospitalarios; altas e traslados para a realización de consultas probas e tratamentos; ou o traslado entre comunidades autónomas, entre outros servizos.

Para atender esta demanda, a Consellería de Sanidade acordou que o número de vehículos de transporte sanitario dispoñibles como servizo esencial para as xornadas de folga sexa de 24 vehículos en total.

"Os servizos mínimos que se fixan resultan imprescindibles para manter a necesaria cobertura asistencial respecto ao transporte sanitario a través da empresa afectada pola folga, coa finalidade de evitar que se produzan prexuízos graves para a saúde da cidadanía", expón.