Profesores da USC, Monforte, A Coruña e Cedeira nomeados entre os mellores de España
Hai catro profesores de Galicia entre os 57 nomeados aos Premios EDUCA aos Mellores Docentes de centros públicos e privados de España. Son docentes da Universidade de Santiago (Alexandre Soltelino Losada), CEIP de Cerdeira (Jessica Rodríguez Piñeiro), Colexio Escolapios de Monforte (Javier Saco Fernández) e Pianoma International School of Music de Oleiros (Gema Arias Varela).
Estes galardóns, consolidados como un referente no sector da educación española, buscan recoñecer publicamente o labor excepcional dos docentes que dedican o seu tempo a educar para a vida, involucrar activamente no proceso educativo tanto dentro como fose da aula.
Os Premios EDUCA Mellor Docente de España buscan destacar o labor desempeñado polos mellores educadores ao longo do curso académico, resaltando a súa implicación no proceso de ensino e a súa relevancia para a sociedade.
A Gala de Premios Educa está programada para febreiro de 2024, e será neste evento onde se dean a coñecer os gañadores de cada categoría. Os afortunados recibirán unha gratificación económica de 1.000 euros, unha figura EDUCA e un Diploma acreditativo.
Neste documento figura a lista completa de nomeados:
TRAXECTORIA DE ALEXANDRE SOTELINO
O ourensán Alexandre Sotelino Losada, profesor contratado doutor no Departamento de Pedagoxía e Didáctica da Universidade de Santiago de Compostela,, volveu a figurar entre os mellores profesores de España, na categoría universitaria.
Non é o primeiro recoñecemento para o catedrático galego, xa que é a cuarta vez que figura nesta prestixiosa lista, sendo mesmo gañador do primeiro premio en dúas edicións anteriores. Ademais, recentemente, fíxose público que tamén foi galardoado cos Premios Alfredo Iglesias 2023 na categoría de Ciencias, consolidando así a súa posición como referente no seu campo.
Escribe o teu comentario