Os sindicatos insisten na "xestión directa" do servizo de ambulancias, pero a Xunta nin o contempla

A folga de ambulancias entrou nunha nova fase despois da reunión convocada pola Consellería de Sanidade e á que acudiron CC.OO, CIG, UXT e USO, que se atopan negociando cos empresarios un novo convenio. No encontro de onte, ao que estaban convocados os sindicatos organizados baixo a plataforma 'Ambulancias en loita', a administración pública fixo o primeiro achegamento ao sector desde que comezase o conflito hai uns meses, cando os traballadores iniciaron as protestas para reivindicar un mellor convenio colectivo. 

"As dúas primeiras xornadas de folga no sector das ambulancias foron un éxito roturndo en todas as áreas sanitarias houbo mobilizaciones e protestas, mostrando que agora imos a por todas", arrinca o comunicado no que os sindicatos fan unha valoración conxunta da primeira toma de contacto con Sanidade, da que Raúl Rodríguez, de Comisións Obreiras, comentaba onte para Galiciapress que esperaba @que servise para "desbloquear" as negociacións dunha vez por todoas. 

FIN DAS AMBULANCIAS LOW COST?

Con todo, os sindicatos non esconden a súa sorpresa por esta convocatoria cando desde Sanidade reiteran que "ante non había tempo para nós. Por parte de Sanidade houbo unha representación conformada polo propio conselleiro, Xullo García Comesaña, acompañado da secretaria xeral da Consellería, a xerente do SERGAS, a xerente do 061 e a directora de Recursos Económicos. 

"En primeiro lugar tratouse sobre o novos concurso dos Urxente e o Non Urxente, onde se lles deixou claro que non estabamos de acordo coas ambulancias cun só técnico -as low cost-, que parece o plan estrela da Consellería", censuran desde Ambulancias en loita. Na mesma liña, as demandas do sector viraron en torno ao aumento do número de ambulancias nos dous servizos e "a supresión do sistema de apoio, que só serven para empeorar o servizo e ser unha fonte de explotación laboral, entre outros asuntos relacionados coas condicións sociais e a calidade asistencial". 

NOVO CONVENIO

O diálogo sobre a negociación polo novo convenio colectivo ocupou un lugar prioritario na reunión. "Paralizada pola patronal", insisten os sindicatos, "sen que a Consellería fixese nada para evitar esta situación". Na súa exposición, a plataforma indicou que as súas propostas buscan "garantir o poder adquisitivo dos nosos salarios e coa xornada laboral, entre outras cuestións de tipo social". "Iso e nada máis", apostilan os sindicatos. 

"Que a estas alturas sexa andar cara atrás é unha mensaxe innecesaria para o sector. E para pouco máis deu de si unha reunión, que polo menos teñen a virtualidad de pór sobre a mesa que a Xunta ten o seu parte de responsabilidade na solución deste conflito, xa que é quen xestiona o servizo, quen organiza e quen o financia", explican desde os sindicatos, á vez que apostilan que coas ambulancias "non queda outra vía que a xestión directa". 

RESPOSTA DE COMESAÑA

A resposta a esa proposta fíxose de rogar até esta mañá, onde o conselleiro indicou aos medios, durante a celebración dun acto de Vigo, que a Xunta descartou de pleno a proposta de que sexa o Goberno de Galicia a que asuma de forma directa o servizo de ambulancias, tal e como se lles trasladou onte. 

"Dixémoslles ás dúas partes que isto é unha negociación dun convenio colectivo entre patronal e traballadores das ambulancias, que teñen que resolver entre eles. Non podemos participar nas negociacións nin nas discusións. Si que temos que garantir o servizo", apuntou o titular de Sanidade, que aproveitou para pedir que non se produzan máis sabotaxes aos vehículos. "Veremos si ese compromiso mantense", agregou. 
 

ACTITUDE "IRRESPONSABLE" DA PATRONAL

Os sindicatos reprenden á patronal que se atopa "a velas vir" e "a ver si rascan algo para eles", considerando a súa actitude como "irresponsable" ao suspender de forma unilateral e sen pór data ao encontro prefijado para o pasado 3 de xullo. 

Así as cousas, desde o sector avanzan que están preparados "para un conflito longo" que non se vai a circunscribir só "aos días de folga". "O seguinte paso ten que ser o éxito da manifestación", indican. Unha protesta que se está celebrando a esta hora en Santiago de Compostela e que congregou por centos de traballadores das ambulancias galegas que colapsaron as arterias principais da cidade, paralizando o tráfico durante a súa marcha. Sen unha solución próxima, os seguintes paros están programados para os días 19, 20 e 21.