Protestas en Vithas Vigo, con "soldos menores ao salario mínimo"
O equipo do centro médico privado Vithas de Vigo, pertencente ao grupo homonimo e con tres sedes laborais en Vigo, levou a cabo hoxe unha manifestación fronte á entrada do centro situado na rúa Troncoso para demandar acordos coa compañía que resulten en melloras salariais, xa que a recente actualización do convenio provincial resúltalles insuficiente.
Os manifestantes indican que na empresa participan diversos tipos de profesionais, desde técnicos de laboratorio e enfermeiros/as até persoal de xestión, e que o convenio actual establece salarios por baixo dos 1080 euros establecidos como salario mínimo interprofesional.
As centrais indican que as mobilizacións durante o tempo de descanso do persoal continuarán este mércores 21 no centro da rúa Paraguai e o venres 23 no da rúa Lepanto, ambas as ás 11:00 horas.
Segundo a CIG-Saúde, o convenio provincial vixente contempla salarios reducidos e acumulou unha significativa perda do poder adquisitivo. Neste contexto, recalcan que noutras empresas do grupo, a dirección alcanzou acordos para mellorar os salarios, "pero neste caso négase a negociar co comité de empresa de Vithas Diagnósticos Vigo".
"A perda do poder adquisitivo é evidente na última actualización do convenio, empeorada pola eliminación de complementos que adoitaban facer competitivos os salarios nesta empresa" engade a central nacionalista.
En consecuencia, os representantes sindicais (4 delegados/as da CIG e 1 da #CSIF) estiveron solicitando durante un tempo que a dirección estableza acordos empresariais que actualicen os soldos do persoal. "A resposta da empresa sempre foi negar a posibilidade de calquera tipo de diálogo".
Escribe o teu comentario