Os comerciantes da Praza de Abastos de Ourense denuncian a falta de aviso do corte de tráfico do día 31

A Praza de Abastos de Ourense e os seus comerciantes emitiron un comunicado denunciando que non se lles comunicou o corte de tráfico que se producirá o luns día 31, debido á celebración do concerto do grupo Mägo de Oz. Quixeron recalcar tamén que en ningún caso están en contra da celebración deste evento. É máis, afirman estar "encantados de que este tipo de espectáculos recalen na cidade" e cren que se deberían potenciar.

Denuncian tamén que esta falta de comunicación previa non lles permitiu buscar solucións. Tampouco entenden o criterio técnico que fai que teñan que cortar a rúa durante 21 horas, cando, asegura, "hai anos levan #celebrar concertos nesta zona sen provocar ningún prexuízo aos negocios da contorna".

Os floristas do mercado calcularon perdas cuantiosas, ademais dunha total incerteza, ao #haber decatado do corte de tráfico polos medios de comunicación en lugar de por un comunicado oficial. Para este colectivo, o día 31 de outubro, véspera de Todos os Santos, supón o 40% da facturación anual. Laméntanse de que "o produto é perecedoiro e está xa comprado".

 É por iso que os comerciantes da Praza de Abastos de Ourense emitiron un comunicado facendo un chamamento e alertando, tanto ao Subdelegado do Goberno como ao Delegado da Xunta, para que valoren pedir o cambio de lugar a fin de evitar unha montaxe complexa e perigosa no día de máis afluencia da Praza de Abastos, ademais de nun día con alertas por mal tempo.

Consideran que montar un escenario desa magnitude convivindo cos viandantes, terrazas e veciños e dispondo na cidade de "lugares que non comprometen  a seguridade durante a montaxe". Lembraron e lamentado tamén o incidente deste ano na montaxe dun escenario no festival en Santiago de Ou Son do Camiño, que se derrubou debido ao vento.

Os comerciantes lembran que farán todo o necesario para minimizar o impacto e que o acceso pola Rúa Progreso desde o Xardín do Posio permanecerá aberto e que todos os clientes que o desexen teñen o aparcadoiro gratuíto no parking da Alameda.

"Queremos gozar de Mägo de Oz, queremos traballar e queremos que os ourensáns estean seguros", lembraron ao finalizar o comunicado.