Tres cans en malas condicións, un deles tinguido de azul, motivan a denuncia a un veciño de Marín

A Garda Civil de Cangas denunciou a un home de Marín (Pontevedra) por varias infraccións á lei de benestar animal, ao ter a tres cans en "condicións deplorables".

Segundo informou o Instituto Armado, o Seprona de Cagas, tras recibir un aviso de que nunha vivenda de Marín hai varios cans en condicións deplorables, púxose con en contacto co propietario para realizar unha inspección.

O pasado día 29 os axentes realizaron unha inspección, o propietario era un señor maior, que vive só. Ao comprobar o estado dos cans, observaron a un de raza podenco atado a un poste cunha corda, en condicións hixiénico-sanitarias moi malas, non dispuña dun espazo para resgardar, non ten o chip correspondente nin cartilla sanitaria.

O segundo can estaba atado cunha cadea metálica, moi curta, a unha cabana de madeira, e case non pode mover. O propietario manifestou que era para que o raposo non lle entrase na leira. O animal presenta unha lesión no pescozo polo tempo que pasou encadeado e á falta total de mobilidade.

O terceiro can tamén estaba encadeado nunha das entradas da vivenda e amarrado ao que simula unha caseta de madeira, sen poder resgardar. Ademais, ten unha cor azul, xa que o dono utilizou un spray para as moscas, o animal presentaba nerviosismo e falta de mobilidade.

O home é denunciado por que os cans non tiñan chip identificativo, manter aos animais sen mobilidade ou actividade física e á intemperie e por producir lesións nun dos cans pola forma de estar encadeado.