Danlle o alto nun control de alcoholemia, arroxa un resultado positivo e acaba a golpes cos axentes
A investigada foi interceptada na avenida de Bos Aires, en Pontevedra, e deu un resultado de 0'64 mg/litro por aire expirado.
A Policía Local de Pontevedra detivo a unha muller acusada de agredir aos axentes e negar a acudir á Comisaría para ser identificada, despois de dar positivo nunha proba de alcoholemia.
Os feitos sucederon durante a noite do pasado xoves na avenida de Bos Aires. Alí, a Policía parou o vehículo no que circulaba xunto a outras dúas mulleres e un home e solicitáronlle facer a proba de alcoholemia.
Despois de varios intentos sen completar a proba, finalmente conseguiu acabala e deu un resultado de 0'64 mg/litro por aire expirado. Ademais, como a condutora non levaba documentación que acreditase a súa identidade, os axentes pedíronlle ser trasladada a comisaría para ser identificada.
Nese momento, e tras ser advertida por unha dos seus acompañantes, a muller deixou de colaborar, sentou na beirarrúa e tratou de fuxir golpeando aos axentes que o impedían. Finalmente foi trasladada a comisaría.
Escribe o teu comentario