Atropelo mortal en Agolada: falece unha muller nova arrollada por un camión
Unha muller faleceu este luns no municipio pontevedrés de Agolada tras ser atropelada por un camión.
Os feitos sucederon de madrugada, pouco antes das 5 horas, na N-640. A densa néboa puideron provocar o sinistro.
Os equipos de emerxencias desprazados á zona só puideron confirmar o falecemento da vítima no lugar do imapcto.
Unha muller faleceu este luns no municipio pontevedrés de Agolada tras ser atropelada por un camión.
Segundo informou o 112 a través das súas redes sociais, o suceso tivo lugar pouco antes das 5,00 horas na N-640, no punto quilométrico 148.
O camioneiro sentiu un impacto e mesmo tiña danos no vehículo, pero tardou en dar conta de que era unha persoa e non un animal debido á néboa densa.
Coa chegada dos axentes da Garda Civil de Tráfico, que recibiron o aviso por parte dos xestores do 112, confirmouse que se trataba dunha muller nova, que xacía xa sen vida. Así pois, os profesionais de Urxencias Sanitarias de Galicia-061 só puideron confirmar o falecemento.
Desde o Centro Integrado de Atención ás Emerxencias de Galicia tamén se informou aos membros do Grupo Supramunicipal de Emerxencias (GES) de Lalín, aínda que a vítima estaba liberada e accesible.
INCONSCIENTE TRAS ENVORCAR O seu VEHÍCULO EN VIGO
Por outra banda, en Vigo , rexistrouse outro accidente de tráfico. Neste caso, unha saída de vía cuxa condutora quedou inconsciente polo golpe.
Segundo a información recollida no 112 Galicia, o sinistro, das 22:10 horas, localizouse na Avenida de Ramón Nieto, á altura do número 437, e, a pesar de envorcar o vehículo, puideron sacar a ocupante pola xanela do coche sen que fose necesaria a intervención dos bombeiros.
Dos coidados médicos ocupáronse os profesionais de Urxencias Sanitarias de Galicia-061, que contaron, tamén co apoio dos axentes da Policía Local.
No dispositivo participan Urxencias Sanitarias de Galicai-061, a Garda Civil de Tráfico e o Grupo Supramunicipal de Emerxenxias (GES) de Lalín.
Escribe o teu comentario