Falece un home ao quedar atrapado baixo o seu tractor na Estrada
Os equipos de emerxencias que se mobilizaron até o lugar non puideron facer nada por salvar a vida do home
Un home faleceu no lugar de Picáns, na parroquia de San Pedro de Parada, no municipio da Estrada, despois de quedar atrapado baixo o seu tractor.
Segundo informou o 112, pasadas as 17:30 horas deste sábado, un particular alertaba á central de emerxencias de que un home acababa de sufrir un accidente co tractor co que traballaba e quedara atrapado baixo o vehículo.
Os operadores da central de emerxencias mobilizaron, con esta información, á Garda Civil, ao GES da Estrada, á Policía Local e a Protección Civil, así como aos profesionais do Servizo de Urxencias Sanitarias, que só puideron confirmar o falecemento do home.
Segundo trasladaron ao 112 os membros do GES da Estrada que acudiron ao lugar do accidente, o tractor equipado cun remolque, caeu nun terraplén.
Escribe o teu comentario