Rueda asegura que non é o momento de eleccións en Galicia: "O que toca é gobernar"

O presidente da Xunta de Galicia, Alfonso Rueda, continúa sen pór aínda data para as próximas eleccións autonómicas, aínda que xa avanzou que "neste momento non tocan". Ademais, asegurou que unha posible repetición electoral a nivel nacional non lle "condicionaría" á hora de convocar comicios, que de haber un adianto e facéndoos coincidir, asegura, serían no mes de xaneiro.

Así se expresou o presidente galego este domingo nunha entravista concedida a Cadea Ser Galicia, onde insistiu en que "neste momento non tocan" as eleccións, lembrando que "o que toca é gobernar". "Cando case ninguén pensa que é importante, para min o é", indicou.

"O que dixen cando me preguntaron é que non as vía no horizonte", sinalou, tras o que defendeu "a illa de estabilidade e certeza" que representa Galicia en canto a gobernanza. "E quero seguir así. A día de hoxe non vai haber eleccións", aseverou.

"O que dixen rendo preguntáronme é que non as vía no horizonte", sinalou, tras o que defendeu "a illa de estabilidade e certeza" que representa Galicia en canto a gobernanza. "E quero seguir así. A día de hoxe non vai haber eleccións", aseverou o presidente autonómico.

Preguntado por unha convocatoria no mes de xuño, coincidindo coas vascas, recoñeceu que esta sería "a data límite". "Máis aló parece complicado", apostilou, dado que xa en 2020 atrasáronse pola pandemia.

En relación a unha convocatoria xunto a unhas eleccións xerais de ter que repetir estas tras fracasar as sesións de investidura, que serían en xaneiro, Rueda indicou que a súa pretensión é "seguir gobernando e dar estabilidade aos galegos" e que o que pase a nivel nacional "non depende do que pase en Galicia".

"Se a pregunta é si convocaría eleccións ao mesmo tempo, sen poder dicir que non categoricamente, diríalle que non me condicionaría", afirmou Rueda, matizando tamén que "outra cousa" é que logo "se dean outras circunstancias".
 

FUTURO POLÍTICO DE FEIJÓO

O presidente do PPdeG considera así mesmo que Feijóo "cumpre coa súa obrigación como gañador das eleccións" ao tentar ser investido como presidente do goberno e que posúe "fortaleza dabondo" para seguir a cargo do partido en caso de non conseguilo.

Afirmou que desde que o líder nacional dos populares asumiu o liderado, ve un partido "máis forte, unido e con máis poder autonómico e territorial". Afirmacións para as que se basea no seu contacto cos presidentes autonómicos, "que non teñen outro ánimo que fortalecer a Feijóo ". Ademais, avanza que se gana Pedro Sánchez, "vai ser unha lexislatura de todo menos sinxela, e probablemente curta".

A este respecto declarou sobre o papel da presidenta autonómica da Comunidade de Madrid, Isabel Díaz Ayuso, que non cre que esta "marque o camiño". "Cada frase de Ayuso mírase con lupa e fanse intepretaciones. De verdade que non vexo nada, outra cousa é o que se le", indicou.

O presidente galego ha explicado que fala con ela de forma privada e que non ten "ningunha outra intención" que apoiar ao candidato Núñez Feijóo agora que este tenta ser presidente do Goberno e "si non, como líder da oposición".

A respecto de ingerencias, pero de Feijóo na Xunta de Galicia, Rueda refuga esas afirmacións. "Feijóo é moi coherente. Igual que el pedía autonomía no seu momento, eu pido o mesmo. E el é o primeiro en respectalo. Por aí non hai ningunha dúbida", comentou.

Dentro da normalidade institucional galega que defende, colocou a celebración do debate do Estado da Autonomía que volveu a datar en outubro, aínda que sen concretar.
 

SITUACIÓN POLÍTICA EN GALICIA

O presidente da Xunta avaliou tamén a situación da política en Galicia e afirmou que non está "preocupado por unha futura irrupción da extrema dereita na comunidade, aínda que si "ocupado en que non ocorra".

Defende que si manteñen a coherencia no goberno e a unidade no partido, e continúan "como o partido que máis se parece a Galicia ", "probablemente nin Vox nin outro será capaz de restarnos hexemonía".

Mostrouse tamén preocupado por unha probable entrada de Sumar no contexto político galego. "É un elemento, un actor político máis de face ás próximas eleccións. Pero se alguén ten que estar preocupado non é o PP", destacou.
 

NOVO PORTAVOZ PAZOS COUÑAGO

O responsable dos populares galegos valorou tamén o nombrameinto de Alberto Pazos Couñago como novo portavoz, en substitución de Pedro Puy, tras a marcha deste último ao Congreso dos Deputados. Recoñeceu ter dúbidas entre varios candidatos, xa que "afortunadamente había un grupo moi amplo". "Creo que demos cun bo portavoz, con experiencia, dialogante, que sabe chegar a acordos, pero que se sabe defender as posturas do partido cando é necesario", afirmou.

POLÍTICA NACIONAL

En canto á política nacional, Alfonso Rueda recoñeceu que non está en contra de que se usen as linguas cooficiais no Congreso, como se fai no Senado. Comentou ademais que o fixo el mesmo, aínda que matiza que tampouco este parécelle "un problema principal".

"Non é do que fala a xente na rúa", indica facendo referencia ás negociacións da esquerda con Puigdemont, entre outros aspectos.

Sobre isto e sobre a proposta do lehendakari vasco, Íñigo Urkullu, sobre unha reforma territorial en aras dunha maior descentralización territorial, o presidente galego mostrouse a favor mentres sexa isto último. "Se avanzamos cara á descentralización, de acordo", afirmou. Pero non está de acordo, afirmar, "se o que facemos é romper coa unidade esencial do país" para que uns "leven máis" en detrimento de outros.
 

VOLTA Ao COLE

Xa volvendo a Galicia , Rueda defendeu tamén o modelo educativo galego na véspera do día en que máis de 300.000 alumnos galegos regresen ás aulas. "Temos unha educación de enorme calidade en Galicia. Todo inicio de curso é complexo, estamos a falar de miles de nenos e adolescentes. E habendo problemas que non vou negar, o balance é moi positivo", reivindicou.

Lembrou que Galicia é a que presenta unha maior porcentaxe de investimento de todas as comunidades autónomas, cunha baixada do número de alumnos, "debido á crise demográfica" e cun aumento dos profesores. "Que hai cousas que mellorar e reclamacións que coñezo perfectamente, si, pero a sensación é que o curso arrinca con normalidade", incidiu.
 

TAXA TURÍSTICA

"Teño que escoitar a todo o mundo e ver as súas razóns, é a miña obrigación", respondeu sobre as peticións municipais sobre a implantación da taxa turística.

Trátase dunha proposta que mira "con prevención". "Este tipo de propostas pódense interpretar como turismofobia e sería un enorme erro para Galicia. Xa se tentou coa Xacobeofobia e que se lle pregunte que pensan aos que realmente se benefician. Espero que isto non sexa o mesmo. Que hai que facer regulacións?, perfecto; que probablemente haxa outras vías á parte de pór a taxa turística?, bo pois é o que imos ver entre todos", explicou, remarcando que el "non se nega" e que "se un concello, en todo o seu dereito" propón algo, ten que "estudalo e dar a súa opinión".
 

VIOLENCIA MACHISTA

Rueda volveu a afirmar a existencia da violencia machista, que cualificou de secuela, e lamentou que non se estea dando "coas teclas, coas solucións se é que as hai". "Temos que seguir coa concienciación e a denuncia", apostilou.

"Xamais estarei de acordo, nin eu nin ninguén do meu partido, en negar a violencia machista", aseverou, pondo como exemplo o discurso do murciano López-Miras durante a sesión de investidura, onde "deixou claras certas cousas", cunha "postura clarísima contra a violencia machista e contra os que poidan negala".

Preguntado entón polos pactos do #PP con Vox , partido que nega a existencia deste tipo de violencia, Rueda contestou facendo referencia aos pactos do #PSOE. "Non creo que o #PSOE estea de acordo con todo o que afirman algúns cos que está a pactar", apuntou.