Detida unha banda de roubo de cables de cobre aloxada en Barbadás

Segundo informa a Garda Civil nun comunicado, o Equipo Roca da Comandancia de Ourense levou a cabo estas detencións no marco da operación 'Casnaloba'. A operación iniciouse tras ter coñecemento da presenza de varios individuos con numerosos antecedentes por delitos contra o patrimonio en varios negocios de hostalaría de Barbadás.

O 1 de novembro, en colaboración con axentes da Unidade de Seguridade Cidadá (Usecic) e Equipo Multidisciplinar de Incedios forestaes (EMIF), estableceuse un dispositivo de seguridade, no enlace de OU-540 coa A-52 , termino municipal de Barbadás, onde se pode observar que os integrantes deste grupo adoptaban as súas propias medidas de seguridade ao recoñecer a zona primeiro cun vehículo, que actúa a modo de lanzadeira, para detectar a presenza de patrullas policiais na zona.

Durante o transcurso dese dispositivo, a Garda Civil interceptou un furgón onde son localizados os dous detidos, a quen se lles incautan 1.200 metros de cableado de liña telefónica, cun peso de 900 quilos, diñeiro en efectivo, cheques bancarios da venda de cables e varios teléfonos móbiles.

Os presuntos autores planificaban con antelación as súas accións delituosas e actuaban unicamente polas noites en zonas e paraxes illadas. Estas persoas con numerosos antecedentes por feitos similares ao longo de todo o territorio nacional levaban unha semana residindo nun establecemento hoteleiro en Barbadás. Utilizaban para os seus desprazamentos un furgón de grandes dimensións propiedade dunha empresa de aluguer situada en Madrid.

O seu modus operandi consistía en localizar o cableado e, mentres un ou varios dos compoñentes dedicábanse ao corte de cable, outros compoñentes da organización desprazábanse a distintas paraxes illadas para queimar o cableado e poder extraer o cobre para posteriormente proceder á súa venda.

A operación, que continúa aberta, está dirixida polo Xulgado de Instrución número 3 de Ourense.