Un carballiñés morre nun dramático accidente de tráfico ao saír da autovía en Maside

Un home, M.G.B. de 58 anos de idade e veciño do Carballiño (Ourense), faleceu na madrugada deste xoves tras saír da vía mentres circulaba co seu coche pola localidade ourensá de Maside.

Tal como informa o 112 Galicia e a Garda Civil, os feitos sucederon sobre as 00.45 horas no punto quilométrico 78 da AG-53, no ramal de enlace da autovía AG-54, onde o home se saíu da estrada pola marxe esquerda e envorcaría coa súa Ford Focus.

Foi un particular o que contactou cos servizos de emerxencia alertando da situación, polo que se deu aviso a Urxencias Sanitarias, aos Bombeiros do Carballiño, á Garda Civil e a Protección Civil. Tamén os servizos de mantemento e limpeza da vía tiveron que actuar.

"Por causas que están a ser investigadas polo Equipo de Investigación de Sinistros de Tráfico do Subsector da Garda Civil de Ourense, o condutor perdeu o control do seu vehículo e impactou contra a barreira de formigón e, tras voar sobre a mediana terriza, cruzo o ramal do sentido contrario e se despeñó por un desnivel até a súa posición final sobre a cuneta dunha pista asfaltada que se dirixe á localidade da Touza", engade a Benemérita.

A pesar de todo, os profesionais sanitarios só puideron confirmar o falecemento da persoa. Debido á violencia dos impactos e tras dar varias voltas de campá, foi necesario utilizar métodos de excarceración para que os servizos médicos puidesen acceder ao corpo sen vida e certificar o seu falecemento.