Atestado apunta a que concelleiro Francisco Lorenzo ía borracho cando chocou e fuxiu en Ourense

O atestado da Policía Local de Ourense sobre o accidente do coche do concelleiro Francisco Lorenzo foi filtrado á prensa. Os funcionarios presentáronse no domicilio familiar onde os pais do político negáronlles o paso aducindo que o seu fillo estaba mareado despois de saír de festa.

Galiciapress contactou co Concello de Ourense para dar oportunidade á política a trasladar a súa versión. Tamén preguntou ao alcalde de Ourense, Gonzalo Pérez Jácome, se valora tomar algunha medida contra Lorenzo. O goberno municipal ha respondido co silencio.

O 18 de xullo un BMW Serie 1, propiedade de Francisco Lorenzo, concelleira de Urbanismo no goberno de Gonzalo Pérez Jácome en Ourense  fuxiu do lugar dun accidente  «efectuando unha condución errática», tras causar danos materiais, adianta hoxe A Voz. O sinistro tivo lugar a rúa Vicente Risco e a avenida de Marín. O vehículo chocou contra os valos protectores da beirarrúa, derrubando unha árbore no impacto.

Ll Policía Local de Ourense, coa que Jácome e o seu goberno manteñen un conflito laboral, interpuxo unha denuncia administrativa contra Lorenzo por condución temeraria, alegando «manifesto desprezo pola vida dos demais». 

Dez minutos despois de recibir a primeira chamada, a Policía presentouse no domicilio do titular do BMW. Segundo o informe policial, os pais de Francisco Lorenzo declararon que o concelleiro non estaba en condicións de atender aos axentes, xa que «saíra cuns amigos e bebera en exceso». O pai do edil admitiu non entender como o seu fillo puido conducir o vehículo nesas circunstancias, mentres que a nai se negou a permitir o acceso dos axentes á habitación, argumentando que Lorenzo «non estaba en condicións de falar e non sairía da súa habitación».

Ademais, segundo desvelou no verán A Rexión, os rexistros da Dirección Xeral de Tráfico (#DXT) revelaron  tiña a ITV caducada desde o pasado mes de maio, o que podería supor unha infracción adicional.  Tampouco pagara o imposto anual de circulación.

Testemuñas presenciais do incidente alertaron á Policía Local, quen despregaron un dispositivo para localizar o vehículo e o seu condutor.  Tardaron pouco,  os restos do choque, incluídos anacos do valo, aínda permanecían debaixo do vehículo.  

A versión do atestado filtrado hoxe é que a pesar dos esforzos da policía por entrevistar co concelleiro, os proxenitores obstaculizaron as xestións, o que, segundo o informe policial, entorpeceu a investigación. As autoridades non puideron realizarlle unha proba de alcoholemia no momento, pero o informe suxire que Lorenzo podería conducir baixo os efectos do alcol, aínda que isto non foi comprobado.

Cando saltou a polémica, a familia de Francisco Lorenzo negou que el fose quen conducía o automóbil no momento dos feitos.