Incendio á tardiña nunha zona de Carballedo e Cea que sufriu varios lumes recentes (vídeo)
Na mesma parroquia de Carballedo, a Augada, houbo un incendio en 2017, que calcinou unhas 12 hectáreas. No veciño Concello de Cea houbo varios incendios este verán. A previsión do tempo para a zona é de choivas o martes para a mañá, o que pode axudar a extinguir as chamas.
Un incendio forestal declarado na tarde do domingo e que se atopa estabilizado desde primeira hora deste luns queimou 30 hectáreas nos municipios ourensáns de Carballedo e San Cristovo de Cea.
Segundo informou a Consellería do Medio Rural, o lume iniciouse ás 20,00 horas na parroquia de Augada, no Concello de Carballedo, e estendeuse até alcanzar o limítrofe municipio de San Cristovo de Cea.
Os servizos de extinción deron por estabilizado o incendio ao redor das 06,45 horas deste luns. Até o momento traballaron na zona doce axentes, 24 brigadas, 16 motobombas e dúas pas.
Escribe o teu comentario