Dúas persoas excarceradas despois dun accidente de tráfico en Toén
O suceso produciuse sobre as 19.30 horas do sábado e foi un particular o que alertou sobre un accidente no quilómetro 10 desta vía
Dúas persoas tiveron que ser excarceradas tras un accidente de tráfico na OU-402, ao seu paso polo municipio de Toén.
Segundo informou o 112, o suceso produciuse sobre as 19.30 horas do sábado e foi un particular o que alertou sobre un accidente no quilómetro 10 desta vía.
A central de emerxencias pasou aviso ao Servizo de Urxencias Sanitarias de Galicia-061, Bombeiros do Carballiño, GES de Ribadavia, Garda Civil e Agrupación de Voluntarios de Protección Civil de Toén.
Unha vez no punto, os membros de Protección Civil confirmaron que había dúas persoas atrapadas que, tras a súa excarceración, foron atendidos polo persoal sanitario.
Escribe o teu comentario