Arde un alpendre con herba seca no seu interior pola caída dun raio en Verín
Non houbo que lamentar feridos entre os animais que alí se atopaban nin entre persoas
Un alpendre con rolos de herba seca no seu interior pola caída dun raio en Verín ardeu na tarde deste pasado sábado. Ningunha persoa resultou ferido nin tampouco houbo que lamentar o dano a ningún dos animais que se atopaban no interior da construción.
Segundo informou a central de emerxencias, os bombeiros de Verín acudiron ao lugar de Tamaguelos para extinguir o lume, que calcinou parte do tellado do alpendre e queimou varios rolos de herba seca.
O servizo tivo coñecemento do incendio uns minutos despois das 19:30 horas da pasada tarde, a través de varias persoas particulares.
O servizo tivo coñecemento deste incendio pasados uns minutos das 19:30 do sábado, a través de varios particulas. A partir de entón, o 112 púxose en contacto cos Bombeiros de Verín, a Garda Civil e os voluntarios de Protección Civil da localidade, aos que puxo en coñecemento dos feitos.
ARDEN DOUS VEHÍCULOS EN FOLGOSO DO COUREL
Doutra banda, un furgón e un coche arderon completamente a pasada noite no lugar de Ou Mazo, na parroquia de Meiraos, sen que ningunha persoa resultase ferida.
Ocorreu ao fío das 02:00 horas. Nese momento, varias persoas particulares alertaron ao 112 do incendio. Segundo indicaban, o lume tamén afectaba o monte.
De maneira inmediata, o persoal do 112 solicitou a intervención do GES de Quiroga-Folgoso do Courel, da Garda Civil e dos medios do distrito forestal da zona.
Segundo confirmaron os membros do GES de Quiroga-Folgoso do Courel á central de emerxencias, arderon completamente dous vehículos, sen que chegase a afectar o monte.
Escribe o teu comentario