O PSdeG presenta aos seus candidatos na Baixa Limia co fin de "impedir que o caciquismo siga imperando en Ourense"
Entrimo, Calvos de Randín, Muíños, Bande e Lobios reuniron aos seus candidatos polo PSdeG
Os socialistas de Ourense presentaron este sábado aos candidatos dos comicios municipais do próximo 24 de maio nos concellos de Entrimo, Calvos de Randín, Muíños, Bande e Lobios. Trátase dun acto celebrado nesta última localidade, no que os candidatos estiveron arroupados por Rafael Villarino, secretario provincial de Ourense, e o secretario xeral do PSdeG, Valentín González Formoso, co obxectivo de "impedir que o caciquismo siga imperando en Ourense".
Aquilino Valencia, Ramón Alonso, José Luís Rodríguez, Iván Rouco e José Luís Álvarez han coindido en destacar a necesidade da "política útil" do #PSdeG para "mellorar a vida dos veciños nunha comarca historicamente abandonada e maltratada polo Partido Popular.
"A innación" e a "falta de impulso" puxéronse como exemplos á prolongación da autovía AG-31, a "inexistencia" dun proxecto de solo industrial para fincar empresas na zona ou o "total desaparo" que, aseguran, padece o Parque de Ou Xurés-Baixa Limia.
"Os responsables de que nos atopemos nesta situación son as persoas que teñen capacidade, competencia e diñeiro para decidir sobre se o territorio progresa ou se estanca, é dicir, a Xunta de Galicia", sinalou Ramón Alonso, alcalde de entrimo e candidato polo #PSdeG á alcaldía as próximas eleccións municipais.
O candidati por Muíños , José Luís Rodríguez, fixo fincapé na necesidade de acabar coas "actitudes caciquiis do goberno popular" no municioio e reclamou "discriminación positiva" cara aos concellos da comarca da Baixa Limia por parte do goberno provincial e autonómico.
O anfitrión do evento e candidato á alcaldía de Lobios, Iván Rouco, destacou que se presenta a estes comicios locais para darlle ao municipio "o cambio que tanto necesita".
O líder dos socialistas galegos, Valentín González Formoso, reprobou así mesmo a situación "inxusta" que viven, na súa opinión, os concellos da comarca, debido á repartición "antidemocrática, discriminatorio e caciquil" dos fondos provinciais por parte do que o chamou "a Deputación de Baltar". Unha situación que cualificou de "anómala e única" en todo o Estado.
Escribe o teu comentario