Falece unha persoa tras unha colisión frontal entre dous vehículos en Xermade

Unha persoa perdeu a vida e outro catro resultaron feridas, unha delas en estado grave, tras unha colisión frontal entre dous vehículos na LU-540 ao seu paso polo municipio de Xermade.

Segundo informou o 112 Galicia, o suceso produciuse minutos despois das 15.00 horas deste sábado e nun dos vehículos viaxaban catro persoas e no outro unha.

No momento do accidente, no lugar caeu unha forte granizada. Un dos vehículos, no que viaxaban catro persoas, acabou nunha cuneta tras a colisión e un dos seus ocupantes perdeu a vida.

Até o punto mobilizouse o helicóptero medicalizado con base en Santiago, os Bombeiros de Vilaba que excarceraron a dúas persoas --unha delas falecida--, Protección Civil e a Garda Civil.