Vázquez Barreiro, ex número cinco da conselleira de Medio Rural, condenado por explotación laboral a migrantes
Condenado por explotar a dous traballadores en situación irregular na súa granxa, Vázquez Barreiro foi sancionado cunha multa de 44.000 euros e nove meses de prisión. Abandona a acta de concelleira en Guntín e o Partido Popular tras ir de número cinco nas listas de María José Gómez, elixida en 2023 alcaldesa de Guntín e nomeada conselleira de Medio Rural tras a vitoria de Rueda nas eleccións de febreiro.
O concelleiro do PP en Guntín (Lugo), José Vázquez Barreiro, condenado a nove meses de prisión xunto a outros dous gandeiros, por un delito de explotación laboral, presentou este xoves a súa renuncia como edil no rexistro municipal.
Segundo informou o PP provincial nun comunicado, Vázquez Barreiro presentou a súa renuncia á acta de concelleira e, por tanto, renuncia a "as obrigacións derivadas da súa condición de membro do goberno local".
No comunicado tamén se expón que o edil comunicou ao alcalde, Anxo Pérez, a súa decisión, "adoptada de forma voluntaria e coa convicción de que é o mellor para non danar a imaxe do Concello, nin do goberno municipal nin do Partido Popular".
As mesmas fontes tamén avanzaron que o condenado "solicitará a suspensión de militancia" no PP e puntualizaron que "nin a dirección do PP local nin provincial coñecían previamente os feitos nin a situación do até agora concelleiro".
CONDENA
Segundo consta no escrito fiscal, a empresa agraria denunciada, situada en Guntín (Lugo), é a Casa do Coxo, á que está vinculado José Vázquez Barreiro, e os outros dous familiares que alcanzaron un acordo xudicial de conformidade. Deste xeito, o tres procesados aceptaron ser condenados a 9 meses de prisión (fronte aos 3 anos que pedía inicialmente o ministerio público) por explotar laboralmente a dous traballadores marroquís en situación irregular, aos que terán que indemnizar nun total de 44.000 euros.
Vázquez Barreiro concorreu ás eleccións municipais de maio de 2023 como número cinco da lista do PP que encabezou no seu día María José Gómez, agora conselleira de Medio Rural. E é que Gómez deixou a Alcaldía en mans de Anxo Pérez o pasado mes de abril, cando o presidente da Xunta, Alfonso Rueda, fichouna para o seu novo Goberno.
Tras coñecer a condena, o #BNG esixiu a "inmediata expulsión" de Vázquez Barreiro, e advertiu de que "a alcaldesa saínte, actual conselleira do Medio Rural, terá que dar explicacións, xa que foi ela quen o elixiu para formar parte da candidatura e os feitos polos que foi xulgado foron anteriores á súa elección".
Escribe o teu comentario