Blood and Honour e Combat 18, grupos neonazis, desarticulados en Lugo

Unha ampla operación policial coordinado pola Policía Nacional e os Mossos d’Esquadra desmantelou unha rede neonazi vinculada ao nacionalsocialismo e ao supremacismo branco chamada Combat 18. A operación, que se saldou con 14 entradas e rexistros en diversas provincias, permitiu a detención de varios membros da organización.

Combat-18 ou (acurtado como C-18 ou 318) está vinculado co colectivo nazi transnacional Blood and Honour, relacionada co movemento shinkead. En España, este colectivo ten vínculos co disolto Movemento Social Republicano (MSR), partido político que tivo certa actividade en Galicia.

 C-18 toma o seu nome das letras A e H, que son as iniciais de Adolf Hitler, orixinouse en Reino Unido en 1992 e estendeuse posteriormente por varios países, entre eles Alemaña, onde foi prohibido en 2020 polo seu perigo.

Segundo fontes policiais, o epicentro da operación desenvolveuse en Cataluña, onde se produciron un total de dez entradas nas localidades de Barcelona, Navarcles, Sant Boi de Llobregat, O Prat de Llobregat, Sentmenat, Lloret de Mar (Xirona) e Mollerussa (Lleida). Fóra de Cataluña, producíronse catro entradas por parte da Policía Nacional en Málaga, Lugo, Arganda del Rey (Madrid) e Talavera de la Reina (Toledo).

O dispositivo policial, que se activou cara ás 6 da mañá, contou coa participación de axentes das Comisarías Xerais de Información, da Brigada de Respostas Especiais (BRIMO), das Arropieros, dos Grupos de Especial Intervención (GEI) e da Unidade Canina.

GRUPO TERRRORISTA EN ALEMAÑA

Blood and Honour (Sangue e Honra) é unha organización neonazi internacional fundada no Reino Unido en 1987. A organización está formada por mozas skinheads e nacional-socialistas, e ten presenza en numerosos países, entre eles España. En Europa, é epecialmente activa en países como Hungría e Ucraína, en cuxa guerra participaron neonazis.

Blood and Honour defínese como unha organización "cultural" e "musical", pero as súas actividades están vinculadas ao extremismo violento. A organización é coñecida polos seus chamamentos á violencia contra inmigrantes, minorías étnicas e persoas de esquerdas ou vinculadas ao movemento LGTBI.

En España, Blood and Honour foi declarada ilegal en 2010 polo Tribunal Supremo. Con todo, a organización continuou operando de forma clandestina.

Os símbolos de Blood and Honour son a caveira da Totenkopf, a insignia da 3ª División Panzer das Waffen-SS, e as letras A e H, que son as iniciais de Adolf Hitler.

As actividades de Blood and Honour inclúen, a organización de concertos e eventos musicais de música neonazi, a difusión de propaganda neonazi a través de Internet e de medios impresos, a formación de milicias paramilitares e actos de violencia contra persoas ou grupos considerados como "inimigos".

Blood and Honour é considerada como unha organización terrorista polo Goberno de Alemaña.