A Xustiza tomba votacións da Deputación de Lugo por un voto telemático "ilegal" do BNG

O xulgado do contencioso anulou o voto telemático emitido pola deputada nacionalista Mónica Freire no pleno da Deputación Lugo celebrado en maio de 2022 por "non dar as condicións necesarias para facelo". A resolución xudicial, con data do 20 de marzo, supón a nulidade dos acordos adoptados grazas ao voto agora invalidado.

Nun comunicado, no que o portavoz dos populares na Deputación, Javier Castiñeira, sostivo que "o goberno da Deputación de Lugo fixo trampas nas votacións do pleno de maio de 2022" co voto telemático desta deputada que permitiu "tombar" mocións presentadas polo PP.
 

VOTO CLAVE
O PP lembra que a corporación provincial está conformada por 25 deputados, dos que 12 son do Partido Popular, mentres que socialistas e nacionalistas suman 13. Segundo indica, na sesión estaban ausentes o presidente, José Tomé, e a deputada Mónica Freire, polo que os 12 representantes do PP podíanse impor aos 11 do grupo de goberno. Con todo, sinala que o voto telemático, agora anulado, permitiu á presidenta do pleno romper o empate co seu voto de calidade.

O deputado popular asegura que se tratou dun voto "transcendental" porque permitió que o bipartito sacase adiante unha das súas propostas e tombase a do PP. "A iniciativa do goberno provincial pretendía conseguir cambios no programa da Xunta Coidados Porta a Porta sen ter en conta o voto telemático da deputada nacionalista, sería rexeitada.

Ademais, apunta que as mocións do PP non saíron adiante precisamente porque foi admitido ese voto telemático, que era "ilegal", da deputada nacionalista, que non estaba presente no pleno a pesar de que nolos motivos que esgrimiron "non son os que di a lei".

Queremos que o goberno da Deputación de Lugo pida desculpas ao Partido Popular e a todos os lucenses, especialmente a vicepresidenta da Deputación e entón presidenta do pleno que permitiu que de forma ilegal votase unha compañeira súa 

A portavoz popular aclara que "esa deputada estaba a facer ese día outras funcións en Ribadeo". Nesa sesión plenaria, lembra o PP, "estaba de presidenta do pleno a nacionalista Maite Ferreiro --vicepresidenta da Deputación-- por ausencia do titular, José Tomé, que era o que permitía que o PP, con doce votos, gañase en votos ao bipartito.

"Desde o PP queremos que o goberno da Deputación de Lugo pida desculpas ao Partido Popular e a todos os lucenses, especialmente a vicepresidenta da Deputación e entón presidenta do pleno que permitiu que de forma ilegal votase unha compañeira súa telemáticamente".

Os populares esixen que se desestime a proposta do bipartito de reclamar á Xunta cambios no programa Coidados Porta a Porta, e que sexan estimadas as mocións do PP.

Unha das iniciativas populares era para crear unha comisión de seguimento de como se fixo a liquidación de Suplusa; a outra, pedía que a Deputación constitúa un fondo de anticipos para axudar aos concellos que en ocasións non teñen liquidez, elaborado con criterios obxectivos e non segundo a decisión unilateral do equipo do goberno.

"Unha vez máis, demóstrase que a forma na que actúa o bipartito excede en ocasións as súas funcións, como pasou no pleno de maio de 2022", apuntou.