Unha colisión múltiple entre seis vehículos deixa tres persoas feridas en Castroverde
O accidente tivo lugar na estrada LU-530 ao redor das 9:30 da mañá
Unha colisión múltiple entre seis vehículos deixou a tres persoas feridas no muncipio de Castroverde, na provincia de Lugo. Os feridos non presentan, afortunadamente, lesións de gravidade.
Segundo a información trasladada pola central de emerxencias, un particular informou pasados uns minutos das 9:30 dunha colisión entre varios vehículos na estrada LU-530, ao seu paso polo municipio de Castroverde.
O servizo informou o Servizo de Urxencias Sanitarias de Galicia, á Garda Civil de Tráfico e aos Bombeiros de Sarria, cuxa intervención finalmente non foi necesaria. O 112 tamén informou o persoal de mantemento de estrada.
Despois de informar que foran seis os vehículos afectados, os axentes indicaron que as tres persoas, a pesar de resultar feridas de carácter leve, foron trasladadas polos servizos sanitarios.
Escribe o teu comentario