(VÍDEO) Provoca vertixe soa de velo: así é a diversión temeraria destes mozos nas termas de Outariz

Un grupo de mozos de nacionalidade francesa protagonizan un temerario vídeo na ponte que cruza o Miño na contorna das termas de Outariz.

Tres raparigos subíronse ao alto do arco da ponte, onde, ademais de pasear, bailaron, saltaron e tombáronse a contemplar a paisaxe ante a sorpresa dos asistentes ás termas. 

Coma se nada pasase, tres novos danse unha volta polo arco da ponte por encima das termas de Outariz. Para sorpresa dos bañistas, os tres raparigos van dun lado a outro do arco: sóbense, danse o seu paseo, sentan a contemplar as vistas...todo ante a mirada atónita dos reunidos debaixo da ponte, que están a uns 15 metros por baixo do tres funambulistas e que filman a peculiar e perigosa escena.

Durante o vídeo pódese ver como algún mesmo se pon a dar saltos encima da infraestrutura e os presentes aseguran que mesmo se puxeron a bailar no arco. Os asistentes ás termas chamaron a atención dos mozos e reprenderon o seu comportamento, non só polo perigoso da súa actuación, senón porque puñan en risco tamén aos viandantes da ponte. 

No entanto, e segundo afirman os usuarios, non é a primeira vez que se ve algo así no arco da ponte, e algunhas voces temen que, ao viralizarse o vídeo, moitos mozos igual de imprudentes tomen exemplo e convértase nunha nova moda das redes sociais. Xa ocorre coa parte de acceso do arco, que moitos mozos utilizan como tobogán para deslizar. 

Ao parecer, e segundo apuntan medios locais, tratábase dun grupo de turistas franceses. Ademais dos tres raparigos, había unha cuarta persoa, unha moza que non chegou a subir todo o máis alto do arco. Tamén sinalan que o mesmo grupo foi expulsado da Burga do Canedo cando tentaron entrar totalmente espidos.