Mercadona inaugura supermercado eficiente en Ponteareas con melloras en comodidade para as súas 36 empregados

O deseño do novo supermercado prioriza o benestar dos seus 36 traballadores, segundo a cadea, incorporando melloras en ergonomía para reducir esforzos físicos. Unha das principais innovacións é un novo moble de caixa desenvolvido en colaboración co Instituto de Biomecánica de Valencia. Así mesmo, acondicionáronse zonas comúns para maior comodidade durante as pausas laborais.

O aparcadoiro dispón de 167 prazas, das cales 5 están destinadas a vehículos eléctricos, o que reforza o compromiso da empresa coa mobilidade sostible.

A compañía explica que o novo modelo de tenda incorpora importantes medidas medioambientais. Entre elas destacan a instalación de paneis solares na cuberta, capaces de producir 250,7 quilowatts. Segundo a empresa, esta tecnoloxía permite aforrar un 20 % do consumo enerxético anual respecto dun supermercado sen fotovoltaica, o que equivale a reducir unhas 30 toneladas de CO2 ao ano.

Ademais, o establecemento implementa sistemas de illamento térmico e acústico optimizados, así como arcones de conxelado de última xeración que contribúen a un aforro enerxético do 40 % fronte a modelos convencionais. A iluminación LED automatizada axusta a intensidade segundo as áreas e o momento do día, mellorando a eficiencia enerxética.

Espazos modernos e servizos mellorados para os clientes

Cunha superficie de vendas de 1.640 metros cadrados, o supermercado inclúe novidades como a sección ‘Listo para Comer’, onde os clientes  poden adquirir pratos preparados servidos en envases sostibles de cana de azucre, cartón ou papel. Este espazo tamén conta cunha zona de descanso equipada con 15 cadeiras e 5 mesas para gozar dos alimentos recentemente preparados.