Óliver Laxe proxecta 'Sirat' xunto aos seus veciños en Navia de Suarna

O director galego Oliver Laxe proxectou a súa película 'Sirat' este domingo en Navia de Suarna, localidade lucense na que estreou o seu último traballo xunto aos seus veciños.

Neste contexto, a deputada de Réxime Interior, Promoción do Territorio e Turismo, Pilar García Porto, agradeceu ao cineasta naviego "por levar o nome de Navia e da provincia Lugo tan alto".

"Tamén por lembrar que desde aquí tamén se pode soñar en grande. O seu traballo dálle forza ao noso rural, a neustro idioma e á nosa forma de estar no mundo", subliñou a deputada.
 

Cabe lembrar que Laxe se fixo este sábado co premio do Xurado do festival de Cannes por esta película, compartindo o galardón 'ex aequo' coa directora alemá Mascha Shilinzki pola súa filme 'Sound of Falling'.

A cinta do galego, unha coprodución española e francesa, figuraba como unha das favoritas e conta como un home (Sergi López) e o seu fillo (Bruno Núñez) chegan a unha rave perdida no medio das montañas do sur de Marrocos.

Alí chegan en busca de Mar, a súa filla e irmá, desaparecida hai meses nunha desas festas sen amencer, onde reparten a súa foto unha e outra vez rodeados de música electrónica e onde deciden seguir a un grupo de raveros na procura dunha última festa que se celebrará no deserto, onde esperan atopar á moza desaparecida.

Tras o seu paso polo Festival de Cannes, a película estrearase nos cines de España o próximo 6 de xuño distribuída por Bteam Pictures.