Mercadona inviste 4 millóns de euros na apertura dun gran supermercado en Narón
A cadea de supermercados reafirma a súa aposta na comunidade galega con estas modernas instalacións.
Unha tenda de vangarda acaba de abrir en Narón , máis concretamente na Estrada de Cedeira, 296. Trátase do último supermercado que inaugura Mercadona na comunidade galega, un espazo para que os "xefes", como chaman desde a firma aos seus clientes, poidan gozar de todas as comodidades en 1.750 metros cadrados de superficie. É a tenda número 62 da compañía en Galicia.
Trátase dun establecemento punteiro que levou a Mercadona a investir 4 millóns de euros nunha obra na que se deron emprego a 150 persoas durante a súa construción e na que participaron 40 provedores. A apertura do supermercado supón a contratación de máis dunha ducia de traballadores dentro dun persoal que contará con 38 profesionais.
O aparcadoiro dispón de 205 prazas, das cales 140 son cubertas e sete están pensadas para vehículos eléctricos. No referido á estancia, unha das novidades é a entrada con dobre acristalado que evita correntes de aire e uns espazos máis amplos e diáfanos para a comodidade dos usuarios, que gozarán de máis luz natural con este modelo eficiente.
![24023 NdP Apertura A Corunu015ea 04](/multimedia/images/6705870.jpg)
O uso de materiais reciclados é só unha parte do compromiso de Mercadona co medioambiente, xa que as medidas que se levaron a cabo neste supermercado, como son o uso de iluminación LED automatizada, a mellora do illamento térmico e acustico ou a instalación de 418 módulos fotovoltaicos para abastecer de enerxía á tenda e avanzar nos terreos do autoconsumo e a descarbonización. O aforro a nivel anual é dun 20% de enerxía e a redución dunhas 30 toneladas de CO2.
Ademais, este centro conta coa sección 'Listo para Comer', onde os clientes disporán de bebidas frías e pratos listos para o seu consumo, xa sexa fóra do local ou no propio establecemento, que dispón dunha área de descanso con cadeiras e mesas. Tamén inclúe unha zona común para os empregados pensada para os seus momentos de descanso, ademais de facilidades como o novo moble de caixa e medidas para mellorar a ergonomía e eliminar sobreesfuerzos.
![24023 NdP Apertura A Corunu015ea 02](/multimedia/images/6705871.jpg)
Escribe o teu comentario