A CIG avanza unha nova parada na produción en Stellantis Vigo este sábado 24 de setembro

A dirección da factoría olívica notificou a decisión ao sindicato este luns, que afectará á actividade da fin de semana no Sistema 2.

A data únese á ladaíña de días nos que a fábrica de Vigo parou a súa produción desde o reinicio da actividade tras as vacacións de verán. 

Unha parada máis en Stellantis Vigo, e xa van... A actividade na factoría de Balaídos verase interrompida este sábado 24 de setembro, segundo confirma a Confederación Intersindical Galega (CIG) no que será o enésimo parón da planta.

"Esta información terá que ser confirmada a cada traballador de forma individualizada pola xerarquía", agrega o comunicado da CIG. 

Queda por ver se este parón afectará a máis sistemas ou se se prolongará no tempo, polo que o persoal estará atenta aos seus teléfonos, canle empregada pola dirección para este tipo de comunicados, para saber cando terá lugar a parálise da planta. A crise dos microchips, agudizada polo mal momento da economía chinesa, principal responsable deste problema.