O BNG insta a Rueda a deixar de lado o seu "pleitesía a Feijóo" e aceptar a quita da débeda
"A única razón pola que non está a aceptar xa é a súa pleitesía á estratexia electoralista do líder o PP, Alberto Núñez Feijóo, no Estado", sostén Noa Presas.
A portavoz de Facenda do BNG, Noa Presas, pediu ao presidente da Xunta, Alfonso Rueda, que "deixe de facer folga de brazos caídos", e acepte a quita da débeda e "negocie a favor" de Galicia.
Neste sentido, o BNG levará ao próximo pleno unha proposta para darlle ao Executivo autonómico a "oportunidade de rectificar e acertar", ao aceptar unha quita de máis de 4.000 euros que "sería beneficiosa para Galicia".
"A única razón pola que non está a aceptar xa é a súa pleitesía á estratexia electoralista do líder o PP, Alberto Núñez Feijóo, no Estado", afirmou Presas.
A continuación, apuntou que a quita da débeda "axudaría a paliar" un dos "problemas máis importantes" que ten Galicia, en realción a que o Goberno do PP na Xunta "triplicou a débeda da comunidade".
A situación, continuou, "é inaceptable" e por iso "non se pode permitir" que Galicia "perda", que "polo seu sectarismo partidista" quede "atrás" e "non acepte" esta quita que é "unha oportunidade".
Así mesmo, a portavoz de Facenda do BNG lembrou aos populares galegos que "tiveron tempo" de negociar un mellor sistema de financiamiento e "non o fixeron".
O BNG espera que, neste pleno, o PP "rectifique, deixe de seguir as directrices de 'Xénova' e acepte a quita en favor de Galicia".
Escribe o teu comentario