As tarifas de Trump afectarán a Stellantis Vigo? As accións afúndense a pesar de plans de fabricar máis en EE.UU.

Afectarán os aranceis do 25% decretados por Donald Trump a Stellantis Vigo? Directamente, en principio, non. Os modelos fabricados en Balaídos, como o Peugeot 2008, Citroën Berlingo e Opel Combo, non se venden no mercado estadounidense.  

Estes modelos están orientados principalmente a mercados europeos, con exportacións significativas a Europa, Asia e África.  Hai algúns modelos como o Fiat Doblò, cuxa versión eléctrica se produce en Galicai, que teñen versións para EE. UU. (como o Ram ProMaster City), pero estas prodúcense en Turquía, non en Vigo.

Con todo, a súa desconexión do mercado de Estados Unidos non implica que Stellantis Vigo non acabe ver afectada polo impacto das tarifas, aínda que sexa indirectamente. E é que o grupo, a pesar do seu carácter multinacional, ten unha forte dependencia do mercado norteamericano.

Stellantis, propietaria de marcas de EE.UU. como Chrysler, Jeep e RAM, ten unha forte presenza no mercado estadounidense, representando aproximadamente o 46% das súas vendas en 2023. 

A compañía depende en gran medida da produción de coches e compoñentes en Canadá e México, o que a fai especialmente vulnerable aos novos aranceis. Estímase que estas tarifas poderían custarlle ao redor de 3.400 millóns de dólares, segundo informes recentes.

Esborralle en bolsa, un problema que non vén de agora

As accións das principais empresas automotrices caeron drasticamente tras o anuncio onte de Trump destes novos aranceis. Empresas como General Motors, Ford, Stellantis e Toyota experimentaron importantes retrocesos nas súas cotizacións bolsistas.
 

Que pasou coa cotización de Stellantis?  O Grupo Stellantis cotiza en Euronext, Borsa Italiana e a Bolsa de Nova York.

Actualmente, o prezo das súas accións en Estados Unidos é de 11,96 dólares, cunha caída do 3,55% respecto ao peche anterior. É unha mala noticia que vai na liña dos últimos tempos. A caída é similar á doutras marcas europeas como Volkswagen (-3,6%) ou BMW (-4,4%).

En febreiro de 2025, as súas accións  caeron un 4,52% tras aranceis previos a México e Canadá, países crave na súa produción para EE.UU. Tras dar marcha atrás Trump nas ameazas vertidas en febreiro, a cotización non se recuperou. Isto proba que aínda que a Casa Branca meta a marcha atrás outra vez, a cotización non rebotará rapidamente, pois os investidores recelan dos vaivéns regulatorios.

De feito, os problemas do grupo non empezaron con Trump. A cotización de Stellantis mostrou unha importante tendencia á baixa no último ano, perdendo case o 60% do seu valor na bolsa americana, debido ás malas cifras de vendas dos vehículos eléctricos e, sobre todo, á caída da facturación en Estados Unidos.

O impacto destes aranceis súmase a unha tendencia baixista na empresa. No último ano, Stellantis perdeu case o 60% do seu valor na bolsa estadounidense, debido á caída de vendas de vehículos eléctricos e a desaceleración en EE.UU..

Risco de desvío de investimentos

O 53% da produción de Stellantis se ensambla en Estados Unidos. Trump busca que máis vehículos se fabriquen alí, o que podería provocar un desvío de investimentos desde Europa, incluíndo Vigo, cara ao mercado norteamericano.

Fronte a este escenario, Stellantis xa anunciou investimentos en EE.UU., coa reapertura dunha planta en Illinois e a contratación de máis 1.000 empregados este ano. A compañía enfronta un dilema: producir máis en EE.UU. ou asumir maiores custos polos novos aranceis.

Unha dos investimentos máis destacados é a reapertura da planta de ensamblaje de Belvidere, en Illinois. Esta instalación, que fora pechada anteriormente, volverá á actividade para producir unha nova camioneta de tamaño mediano. A reapertura, prometida xa antes das eleccciones,  está prevista para 2027 e espérase que xere ao redor de 1.500 empregos.

Ademais, Stellantis tamén anunciou investimentos significativos noutras plantas:

• En Detroit, a compañía producirá a próxima xeración do Dodge Durango no seu complexo de ensamblaje.
• En Toledo, Ohio, realizaranse investimentos para mellorar a produción dos modelos Jeep Gladiator e Jeep Wrangler.
• En Kokomo, Indiana, investirase na fabricación do motor GMET4 EVO para futuros modelos.

O anuncio destes últimos investimentos prodúcese tras unha reunión entre o presidente de Stellantis, John Elkann, e o presidente Donald Trump. Os contactos entre o magnate e a administración tiveron lugar a finais de xaneiro. Está por ver si as novas tarifas levan a Stellantis a aumentar a súa produción en Estados Unidos.