Abanca bate marcas de ganancias mentres os seus empregados claman polos seus dereitos laborais

No décimo aniversario de Abanca, a entidade financeira ha anunciado un beneficio neto de 1.203,1 millóns de euros en 2024, o que representa un incremento do 69,1% respecto ao ano anterior. Este crecemento atribúese á expansión en España e Portugal, especialmente tras a adquisición de EuroBic, e á captación de 135.000 novos clientes

Este anuncio tivo lugar onte, o mesmo día que varios sindicatos, como CIG e ASCA Abanca, convocaron unha  manifestación na Coruña para protestar pola perda de poder adquisitivo que sofren os traballadores desde 2010, mentres a empresa rexistra beneficios millonarios. Este contraste entre o éxito financeiro e o descontento laboral ha posto de manifesto as tensións existentes na entidade.

Principais reivindicacións sindicais

Os representantes dos traballadores esixen:

1. Recuperación do traballo de calidade e equiparación con outras entidades bancarias, denunciando que o persoal de Abanca traballa máis tardes e durante máis meses polos soldos máis baixos do sector financeiro. "Abanca é a única Entidade que non aplica os horarios de Convenio, ten os horarios máis amplos e a maior flexibilidade, dificultando a conciliación", sinala ASCA.
2. Redución da temporalidade e mellora das condicións laborais, criticando a utilización de contratos en prácticas para cubrir postos estruturais e o desprazamento de persoal a oficinas fóra do seu lugar de residencia.
3. Diminución da presión comercial, que segundo os sindicatos xerou un clima laboral tóxico na empresa.

A resposta de Abanca

Aínda que a dirección de Abanca mostrou certa predisposición a negociar, os sindicatos denuncian que a entidade pon pegas económicas para mellorar as condicións laborais dos seus empregados. Os representantes sindicais argumentan que si no seu momento houbo que apertar o cinto e saíu o persoal a dar o do de peito, agora, cando a entidade do hispano venezolano Juan Carlos Escotet bate records de beneficios, é tempo de ver recompensado ese esforzo.

Esta suposta cicatería contrasta coas boas cifras do negocio. Na última década, o volume de negocio de Abanca experimentou un notable crecemento, pasando de 57.469 millóns de euros a 128.443 millóns. Paralelamente, a súa cualificación crediticia ha evolucionado desde un grao especulativo, considerado "bono lixo" no momento da adquisición da entidade en 2014, até alcanzar un nivel de investimento. Así mesmo, a entidade logrou reducir significativamente a súa taxa de morosidade, que nos seus inicios era "moi elevada", até situar nun 2,6%, unha porcentaxe que se considera "moi competitivo" en comparación coa media europea.

Impacto no persoal e servizos

A política de EREs e peche de oficinas, especialmente en zonas rurais, aplicada durante anos, levou a unha redución de persoal que, segundo os sindicatos, afecto á calidade do servizo. Argumentan que, a pesar da dixitalización, os clientes -moitos de idade avanzada- seguen acudindo ás oficinas e requiren atención personalizada, o que non sempre é posible coa actual dotación de persoal. 

Hai que ter en conta que o sector bancario en xeral enfróntase a un clima de tensión laboral. As entidades españolas han tido, en xeral, un 2024 de rércord, pero estas cifras non están a servir para recuperar os dereitos laborais que se perderon despois da crise do ladrillo. Ademais, a dixitalización impulsou a concentración e o recorte de oficinas. 

 En Abanca, os sindicatos esperan que se abra unha mesa de negociación para abordar os puntos pendentes, empezando polos horarios. Se non se producen avances significativos, os sindicatos non descartan novas medidas de presión. O obxectivo, segundo os representantes sindicais, non é que a entidade gañe menos diñeiro, senón que os beneficios se revertan en oficinas mellor dotadas, mellor remuneradas e, consecuentemente, mellor atendidas.