Segundo incendio en catro días na mesma parroquia de Cea, Oseira, Ourense
A Xunta asegura que o lume que prendeu na tarde do 27 de agosto foi controlado esta noite tras queimar 20 hectáreas. Fai poucas xornadas, o 24 de agosto, daba por controlado outro incendio na mesma parroquia, tras queimar unhas 50 hectáreas de árbores. Con todo, todo apunta a que se precipitou e estamos ante unha reactivación das chamas que non quedaron extintas de todo na primeira ocasión.
O incendio forestal rexistrado no municipio ourensán de San Cristovo de Cea, na parroquia de Oseira, está estabilizado, segundo informa a Consellería do Medio Rural.
O lume iniciouse ás 17.21 horas de onte e, segundo as últimas estimacións, afecto a unha superficie dunhas 30 hectáreas, precisa sobre o mesmo.
Trátase dunha reprodución do incendio rexistrado a pasada semana na mesma localización e que quedou estabilizado ás 22.47 horas.
Para o control do mesmo, mobilizáronse, até agora, a tres técnicos, 14 axentes, 18 brigadas, 14 motobomas, dúas pas, sete avións e oito helicópteros.
Entre as brigadas mobilizadas, participan tamén nos labores de extinción dous equipos de bombeiros de Estonia, que se atopan de estancia en Galicia no marco do mecanismo europeo de Proteción Civill e que tamén interviñeron noutros incendios rexistrados estes días na comunidade autónoma.
Escribe o teu comentario