Vigo disporá dun servizo de aluguer de bicis elécticas con Welgood en sete párquines da cidade
Abel Caballero anunciou esta iniciativa, financiada con fondos europeos, que dotará de 10 bicicletas a cada un dos párquines.
A compañía Welgood puxo en marcha un servizo de aluguer de bicicletas eléctricas en Vigo , que están xa dispoñibles en sete aparcadoiros da cidade olívica.
Tal como anunciou o alcalde, Abel Caballero, haberá 10 bicicletas en cada un destes parking, onde se inclúe o de Avenida de Castelao, o de Jenaro de la Fuente, o de Policarpo Sanz, o de Areal, o de Pintor Colmeiro, o de Urzaiz e o de Praza da Independencia.
O rexedor explicou que os vehículos se poden devolver en calquera aparcadoiro e poden reservar previamente. Esta iniciativa está financiada a través dos fondos europeos.
Todo iso despois de que a semana pasada o goberno local autorizase a instalación de estacións de recarga de vehículos eléctricos e de bicicletas nos aparcadoiros subterráneos.
Escribe o teu comentario