O aceite de oliva está tan caro que xa van 8 arrestos en dúas semanas por roubos tras novo furto en Sada
Os altísimos prezos do aceite de oliva explican en parte esta serie de delitos. Hoxe sábese que a Benemérita investiga a dous homes de Oleiros por un roubo en Sada, onte desaticuló unha banda de Arteixo e a principios de mes houbo tres detencións en Vilalba.
A Garda Civil do posto de Oleiros (A Coruña) investigou a dous homes como presuntos autores de furtar 42 botellas de aceite, despois de que o responsable dun supermercado de Sada avisase da subtracción de varias unidades.
O 13 de marzo a Benemérita informou que detivo en Vilalba a tres veciños de Lugo como presuntos autores de furtar 90 botellas de aceite nun supermercado valoradas en 950 euros. Unha operación moito máis modesta que a comunicada o luns, cando a Garda Civil dixo que detivo ao cinco integrantes dun grupo criminal fincado en Arteixo (A Coruña), acusados de subtraer 250 botellas de aceite de oliva de supermercados situados en León e Ponferrada.
Esta serie de furtos explícase en boa parte pola inflacción dos prezos do aceite de oliva nos últimos anos, con taxas de crecemento interanual que levan tempo oscilando entre o 20% e o 50%. O prezo do aceite de oliva experimentou un notable aumento debido a factores como a seca, o incremento nos prezos dos fertilizantes e a especulación. Esta alza provocou un incremento do 52,5% nos prezos do aceite de oliva refinado en comparación co ano anterior. As familias en España viron diminuír a súa poder adquisitivo nun 4,5% nos últimos dous anos por mor desta subida de prezos.
CASE CINCUENTA BOTELLAS DE ACEITE NO COCHE
Segundo informa o Instituto Armado, no caso de Sada. unha patrulla desprazouse até o lugar do establecemento e nas súas proximidades localizou un vehículo ocupado por dous adultos e dous menores de idade cuxas características coincidían coa descrición achegada polo alertante.
Así, os gardas civís procederon a identificar aos dous adultos e a revisar o coche, no cal atoparon un total de 42 botellas de aceite de diferentes marcas comerciais por un valor total de máis de 500 euros. Ademais, carecían dos tickets de compra.
Tras as pertinentes xestións, os efectivos do posto de Oleiros pescudaron que as botellas procedían dunha serie de furtos de diversos supermercados. A Garda Civil procedeu á investigación dos dous homes por estes supostos delitos e á incautación da mercadoría.
Precisamente, en días pasados eran detidas cinco persoas por pertencer a un grupo criminal fincado en Arteixo e ao que se lle atribúe o roubo de 250 botellas de aceite de oliva de supermercados de León e Ponferrada.
Escribe o teu comentario