CarOutlet Vigo abre este venres con miles de coches e "entrega inmediata"

O salón do vehículo usado e de ocasión CarOutlet Vigo celebrará a partir deste venres, día 17 de novembro, e até o domingo 19 o seu décimo primeira edición, que levará a cabo no Instituto Feiral da cidade olívica (#Ifevi).
Alí, máis de mil vehículos de todo tipo de marcas, modelos e prezos estarán dispoñibles con "entrega inmediata", segundo reivindicaron os organizadores do evento.

O director do certame, Jose Enrique Elvira, e o xerente do Ifevi, Arsenio Prieto, destacaron a importancia desta feira, xa que reúne o "extenso" stock dos concesionarios oficiais da comarca de Vigo, que se encargarán de remplazar cada unidade que sexa vendida por outra, "para ofrecer ao público a maior variedade posible".

Ambos aseguraron que CarOutlet é a solución perfecta para aqueles interesados en cambiar de coche antes de que finalice o ano, especialmente tendo en conta os "longos prazos de entrega en vehículos novos". A entrada terá un prezo de 2 euros, aínda que o salón doará o 50% da recadación a Aldeas Infantís, segundo recolle a organización nun comunicado.

CarOutlet Vigo abrirá as súas portas este venres ás 16,00 horas até as 21,00 horas, mentres que o horario do sábado será de 11,00 a 21,00 horas e o domingo de 11,00 a 20,00 horas.