Os xubilados galegos cobran 350 euros máis que as xubiladas

Estremadura e Galicia son as comunidades cuxos pensionistas cobran menos, mentres que País Vasco e Asturias atópase á cabeza


|

Durante este último mes de novembro o gasto total de pensións en España foi de 10.913,11 millóns de euros. Estas pensións supoñen un aumento do 6,16% con respecto a hai un mes. Con todo, Galicia queda, unha vez máis, á cola destas pensións. Trátase da segunda comunidade autónoma no ranking das pensións máis baixas, cun valor de 1.067,72 euros. Tan só Estremadura ten un valor máis baixo.

 

A comunidade veciña, Asturias, é a súa antítese, cunhas pensións de 1.504,93 euros, a segunda máis alta de España. Isto é debido á base de cotización dos pensionistas nestas comunidades, ademais da os anos traballados e do salario percibido durante os seus anos como traballadores.

 

A razón atopámola na estrutura produtiva da rexión galega, na que até agora tivo un enorme peso o sector da agricultura, a gandaría e a pesca. Estes sectores teñen uns salarios inferiores aos da industria ou o sector servios (que imperan en Asturias ), e diminúe por tanto as pensións de xubilación. A todo isto hai que sumarlle unha poboación cada vez máis envellecida e unha taxa de actividade baixa.

 

A pesar dunha subida xeneralizada en España do valor das pensións no último mes, o número de pensionsitas foi en aumento. Leva facéndoo de maneira progresiva desde 2005. En xaneiro dese ano eran pouco máis de 7 millóns as persoas beneficiarias dunha pensión a nivel estatal. Agora, esta cifra superou os 9 millóns.

 

 

 

En Galicia, o valor das pensións tamén aumentou desde 2005. No caso dos xubilados, viron case duplicada a súa pensión nestas últimas décadas, desde os 553 euros aos máis de 1.000 que reciben na actualidade.

 

BRECHA DE XÉNERO NAS PENSIÓNS

As pensións son outro claro reflexo da situación de xénero na comunidade. En Galicia hai unha diferencia media de máis de 350 euros entre as prestacións en home e mulleres. Este mes de novembro, as pensións das mulleres situáronse nunha media de 712 euros, mentres que as dos homes son de 1.088 euros.

 

MOVEMENTOS POR UNHAS PENSIÓNS DIGNAS

Desde o pasado mes numerosos colectivos e plataformas de pensionistas están a se mobilizar en defensa da subida dos salarios e as pensións para adecualas ao #IPC, ademais de pola eliminación da brecha de xénero e en contra da privatización do sistema público de pensións.

 

A plataforma Modepen (Movemento Galego pola Defensa dás Pensións e ou Servizo Público) participou tamén na manistación do pasado 15 de outubro en Madrid na recollida de máis de 250.000 firmas, que foron, afirman, entregadas ás cortes o pasado día 27. Modepen asegura que non permanecerán calados e seguirán saíndo á rúa.

 

A pasada semana, precisamente, Compostela acolleu unha manifestaciónm convocada pola plataforma na que esixían "unha vida digna, a recuperación e o reforzo dos servizos públicos e a demanda de medidas políticas que garantan o Estado do Benestar".

Mapapensiones
Galicia é a segunda comunidade de España que cobra as pensións máis baixas / EPData

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE