A matriz de Facebook, Meta, tamén despedirá pronto a miles de traballadores
Os despedimentos nos grandes nomes do sector das redes sociais apuntan a que nunca foron un modelo de negocio sostible a longo prazo a pesar da súa enorme influencia na opinión pública mundial.
Tras a polémica chegada de Elon Musk a Twitter, Meta, a compañía propietaria de Facebook, WhatsApp e Instagram, tamén prepara un recorte masivo de traballadores.
De feito, segundo informou The Wall Street Journal, a empresa dirixida por Mark Zuckerberg notificaría "miles de despedimentos" o vindeiro mércores 9 de novembro.
Se se cumpre, podería ser o maior recorte de postos de traballo no sector tras o crecemento da industria durante e tras a pandemia. Actualmente, unhas 87.000 persoas traballan para esta compañía.
Esta onda de despedimentos pode chegar pouco despois de que os altos cargos de Meta pedisen aos empregados que cancelasen as viaxes non esenciais a partir desta mesma semana, alegando aos temores de que o aumento da inflación poida levar á economía á recesión.
O CEO de Meta asegurou recentemente que a súa empresa se centraría en investir en "unha pequena cantidade de áreas de crecemento de alta prioridade".
Escribe o teu comentario