O redebut de David Costas en Primeira División tras máis de 2.000 días de mili no Real Oviedo

A última vez que o Carlos Tartiere soou a Primeira División foi en xuño de 2001. Ou así foi até este domingo, data na que o Real Oviedo, tras anos penando polas catacumbas do fútbol nacional, onde caeu até Terceira División, regresou á elite 24 anos despois. Un regreso agridoce porque, nesta volta, tocoulle bailar coa máis fea, sendo o Real Madrid o primeiro dos 19 equipos que visitarán a capital asturiana este ano. Tamén longo, aínda que máis curto comparado co peregrinar dos carbayones, foi o camiño de David Costas para regresar a Primeira, onde espera asentar como líder da zaga oviedista.

SEN CATAR PRIMEIRA DESDE XANEIRO DE 2020

O central vigués ha pasado de todo desde que o 5 de xaneiro de 2020 xogou o seu último partido en Primeira División. Fíxoo enfundado na elástica celeste do Celta de Vigo, onde se formou e saíu cedido a Mallorca, Oviedo ou Barça B para ter os minutos que non conseguía en Balaídos. Aquel día, baixo a dirección de Óscar García, Costas foi o eixo da defensa celtiña xunto a Aidoo nun partido que empataron contra Osasuna. 

Foi o seu último servizo ligueiro -o seu último partido co Celta xogouno o 12 de xaneiro de 2020 en Mérida en Copa do Rei con víctoria 1-4 para os galegos- antes de saír cedido á UD Almería, onde xogaría o que restou de curso. A seguinte tempada pasouna en branco no Celta ata que terminou a súa vinculación en Vigo e marchouse a Oviedo, onde viviu de todo: desde ser o líder dun histórico do fútbol nacional até ver a cara amarga do fútbol polas lesións que o tiveron varios meses apartado.

A pesar dos moitos cambios no persoal durante os últimos cinco anos, Costas sempre foi un fixo nos esquemas de adestradores como Ziganda, Birlo, Carrión, Cervera, Calleja ou Paunovic, co que logrou o ascenso a Primeira o ano pasado. Expulsado na final contra o Mirandés, Costas non puido estar no debut contra o Vilarreal, pero si na estrea en casa. 2.058 días lonxe de Primeira para volver como titular ante o Real Madrid. Pese ao 0-3, Costas foi unha das notas positivas do cadro local, que fajó ben a Mbappé e compañía até os minutos finais, onde o esforzo pasou factura a un Oviedo que se desmoronó e encaixou dous goles desde o minuto 83. 

Aínda que a competencia será feroz e a dirección técnica dos asturianos vén de contratar a Eric Bailly para apontoar a defensa, Costas está decidido a demostrar que segue sendo un xogador de Primeira División tras moitos anos xogando a gran nivel en Segunda. Quedan 36 partidos para ser ese líder que todo Oviedo busca tras máis de 2.000 días de mili de prata.