Sorpresa na vela española pola renuncia de Támara Echegoyen na estrea da Copa América

Antes de iniciar os Xogos de París, Támara Echegoyen mostrábase entusiasmada xa non só cun novo reto olímpico, senón con todo o que estaba por vir neste 2024, onde a Copa América estreaba un formato con competición feminina, unha estrea no que a galega ía ser un dos nomes propios desta competición. Con todo, e a un mes de levar áncoras, a renuncia de Echegoyen no Sail Team BCN foi un xerro de auga fría para o equipo español.

"Nesta primeira Copa América feminina, que encima se celebra en casa, para nós é un orgullo estar aí e ser as primeiras, pero o importante, aínda que ser a primeira é un privilexio, pero hai que telas abertas para todas as que veñan detrás", declaraba a ourensá a este diario, valorando as oportunidades que se abrían no deporte feminino onde, afirmaba, "as deportistas temos moito que dicir". 

Con todo, un mes despois de París, a abanderada na inauguración dos Xogos Olímpicos ha dado un paso atrás para "continuar con outros proxectos profesionais". No entanto, algunhas informacións apuntan a desavinzas co director xeral como motivo da súa renuncia, un episodio similar ao que xa se viu no equipo masculino, tamén obrigado a recompor.

A perda de Echegoyen supón un mazazo para o equipo, que xa non contará coa que ía ser a súa patroa, ouro de Londres 2012 e unha das regatistas con máis talento e experiencia do circuíto. Silvia Mais, Neus Ballester, María Canteiro e Paula Barceló, compañeira de Támara, parece que si estarán ao temón tratando de facer historia no deporte mundial