Mingueza e Manquillo recibirán o agarimo do celtismo este martes no Corte Inglés de Vigo

Nesta recta final de tempada, con todo por decidir, ao Celta de Vigo só pode recorrer a dous elementos que no pasado axudáronlle a salvar situacións igual de comprometidos: unión e afouteza. Expoñentes desas dúas características que deben acompañar aos celestes nestes últimos partidos para salvar o descenso, Óscar Mingueza e Javier Manquillo son os chamados polo Corte Inglés da cidade olívica para a sesión de firmas que se celebrará este martes 16 de abril nos grandes almacéns de Vigo.

O acto terá lugar ás 18:30 horas no departamente de deportes, na 5ª planta da superficie comercial, onde O Corte Inglés convoca a todo o celtismo para acudir a este encontro cos dous defensores, fundamentais para que o Celta saque os mellores resultados nos partidos que quedan. 

A comuñón do vestiario e a bancada é capital para o bo facer do conxunto que dirixe Giraldez, que desde a súa chegada suma catro de nove puntos posibles. A derrota ante o Betis en Sevilla afasta ao Celta do obxectivo, aínda que segue tres puntos por encima do Cádiz, o equipo que ocupa o último posto que dá un billete sen retorno a Segunda División.

Mingueza, fundamental desde a súa chegada a Vigo, é un dos futbolistas máis queridos pola bancada pola súa entrega nestas dúas tempadas como celtiña. Manquillo, pola súa banda, chegou o pasado mes de xaneiro para reforzar a retagarda. A súa experiencia na Premier conceden ao Celta un lateral curtido en mil batallas e que desde a súa chegada fíxose un oco nos plans primeiro de Benítez e agora do novo técnico, que o pasado venres lle deu a titularidade ante os verdibrancos.