Joselu, o acento galego dunha convocatoria de Luís de la Fuente cos adolescentes Yamal e Cubarsí
O seleccionador nacional volve confiar no ariete galego nunha lista nas que sobresaen os dous imberbes futbolistas do Barcelona.
Que estaban a facer vostedes un día como hoxe con 16 ou 17 anos? A maioría estarían en clase ou no seu primeiro traballo. Esta pregunta a Pau Cubarsí ou Lamine Yamal ten unha resposta máis inverosimil: atender á chamada do seleccionador nacional. Con 17 e 16 anos, os futbolistas do FC Barcelona son a gran novidade na lista de Luís de la Fuente para os partidos ante Colombia e Barsil do próximo parón de seleccións, que terá lugar unha vez celébrese a xornada ligueira deste fin de semana.
As citas ante os dous conxuntos suramericanos serán o último test de España antes dunha Eurocopa á que chega cunha selección a medio facer -hai baixas sensibles como Pedri, Gavi...-, coa transición por completar entre Luís Enrique e de la Fuente e co posto do seleccionador aínda en dúbida nalgúns sectores pola súa reacción tras o caso Luís Rubiales.
Con todo, até agora a resposta de España foi moi boa e cun equipo novo. Para este parón, ademais dos dous adolescentes do cadro azulgrana, hai outras novidades, como o carrilero Pedro Porro, do Tottenham, o centrocampista Sarabia, do Wolverhampton, ou o central Vivian, do Athletic (os bilbaínos contan con até seis representantes entre canteiráns e xogadores do primeiro equipo).
Carvajal, Navas, Laporte ou Gaya son algúns dos "veteranos" na retagarda, mentres que o centro do campo estará comandado por homes como Zubimendi, Rodrigo, Meiriño ou Fabián e o ataque encabezado por Morata , Dani Olmo, Gerard Moreno e Joselu, que pon o acento galego nunha selección da que se caeron outras opcións do país como Gabri Veiga -que parece haber apagado no fútbol saudita e non vai nin coas inferiores, onde si están citados os galegos Nico González, Hugo Novoa ou Álvaro Fernández- ou Brais Méndez, que non termina de convencer ao preparador a pesar das súas boas actuacións coa Real Sociedade.
Escribe o teu comentario