Galicia á final da Copa das Rexións UEFA! Os irmandiños superan a Castela-A Mancha por penaltis

Un balón contra a madeira no último dos penaltis da quenda significou o billete á final da Copa das Rexións UEFA para a selección galega, que sufriu durante máis de 120 minutos ante unha combativa Castela-A Mancha, que vendeu cara a súa derrota e que só claudicó desde os once metros. Os pupilos de Iván Cancela pelexaron cada balón e agora esperan a Andalucía ou Aragón, que se enfrontan esta tarde na outra semifinal, para tratar de alzar co campionato.

Foi un duelo marcado pola igualdade durante toda a contenda e cos irmandiños dispondo dalgunha oportunidade que outra, como o disparo ao traveseiro de Kopa ao cuarto de hora ou o man a man de Álex Lorenzo na recta final do partido, pero aguantando nalgúns tramos de partido as arremetidas do "queixo mecánico", que mesmo puido despachar o partido na prórroga con centros laterais que se pasearon de punta a punta da área de Javi Liz, que defendeu o arco cunha nota sobresaliente.

Os galegos, vixentes campións nacionais e europeos, só puideron alcanzar o pase na quenda de penaltis, onde un lanzamento ao pau no último intento dos manchegos clasificou aos norteños, que chegaron a esta rolda despois de deixar a Asturias na cuneta por un axustado 0-1. Este domingo 17 de marzo, ás 12 horas, a finalísima onde Galicia aspira a reter o centro de campións rexionais.