Sexto posto mundial para Támara Echegoyen, con París 2024 no horizonte

En augas de Lanzarote e con Paula Barceló como a súa compañeira de fatigas unha vez máis, Támara Echegoyen alcanzou a sexta posición no Mundial de 49er FX, celebrado nas Illas Canarias este pasado fin de semana. Esta proba é a antesala da gran cita deste ano, os Xogos Olímpicos de París 2024, onde a pontevedresa acudirá co obxectivo de volver ao alto do podium como fixo en Londres 2012.

Pasaron doce anos desde aquela persea de ouro ao pescozo de Echegoyen, pero a catro meses das súas cuartas olimpíadas as sensacións son moi boas para a galega e para Barceló, que aspiran a pelexar polos metais en Francia este verán. De feito, e segundo comunicou Echegoyen, foi a súa compañeira a que lle convenceu de dar un último pasito e pelexar, con 40 anos recentemente cumpridos, por unha nova medalla, cando a galega xa meditaba unha nova aventura profesional. 

O sexto posto confirma a súa candidatura a ser unha das favoritas en 49er FX, unha proba na que se coroou dúas veces como capeona mundial e unha terceira vez como bronce, mentres que en Europa "só" conseguiu dous terceiros postos. Nesta ocasión foron as neerlandesas Odile van Aanholt e Annette Duetz as que morderon o metal máis prezado, ese con o que esperan volver Echegoyen e o seu inseparable Barceló nuns meses, cando naveguen vento en popa e a toda vela a por o ouro.