A intelixencia artificial xa fala galego: o Proxecto Nós presenta a súa voz artificial con acento propio
Unha nova voz súmase ao mundo da intelixencia artificial e esta vez faio en galego. O Proxecto Nós dará pronto unha paso clave coa presentación da súa primeira voz artificial en galego, desenvolvida co apoio de SDG Group e outras entidades públicas e académicas. A presentación será esta semana.
O próximo 15 de maio de 2025, Santiago de Compostela acollerá un evento crave para o futuro do galego na era dixital. Proxecto Nós, impulsado pola Universidade de Santiago de Compostela (USC), desvelará oficialmente o seu sistema de voz artificial en galego, desenvolvido grazas á colaboración de entidades públicas e privadas. O acto, que terá lugar na Cidade da Cultura, contará con representantes institucionais e expertos en intelixencia artificial (IA) e lingüística.
Liderado polo Centro Singular de Investigación en Tecnoloxías Intelixentes (CiTIUS) e o Instituto da Lingua Galega (ILG), con apoio da Xunta, este programa busca garantir a presenza do galego en ferramentas tecnolóxicas avanzadas. O seu obxectivo é evitar que o idioma quede excluído de innovacións como asistentes virtuais ou tradutores automáticos, algo crítico para a súa supervivencia a longo prazo.
A creación dunha voz sintética en galego non só permitirá xerar contidos audiovisuais automatizados, senón que servirá como base para adestrar algoritmos de recoñecemento de voz, chatbots educativos ou sistemas de atención ao cliente. Esta tecnoloxía é esencial para que linguas con menos recursos dixitais, como o galego, non desaparezan en contornas virtuais.
SDG Group proporciona as voces humanas para crear a máquina
A consultora SDG Group foi clave na fase de recompilación de mostras. Mediante a campaña Faino x Nós, empregados da súa sede compostelá doaron as súas voces para alimentar o banco de datos do proxecto. Estes rexistros, combinados con modelos de IA, permitiron sintetizar unha entonación natural e adaptada aos rexistros dialectais de Galicia.
Ao evento asistirán Valentín García Gómez, secretario xeral de Política Lingüística; Senén Barro, director científico de CiTIUS; Elisa Fernández, responsable do ILG, e Antonio Torrado, representante de SDG Group. A cita, ás 13:30 horas na Oficina Nós (Monte Gaiás).
Escribe o teu comentario