Amase Castro asina exemplares de 'Até Sempre, Malena Giestal' no Corte Inglés de Santiago de Compostela

Malena Giestal é unha moza que, contra os designios da súa familia, embárgase nunha aventura empresarial deixando de lado o duro proceso de estudar para unhas oposicións. Esta historia pode soarlle a moitos e moitas por experiencias vitais que, no caso de Giestal, protagonista do último libro da viguesa Amase Castro, levarana ao límite, pero tamén lle descubrirá novos camiños.

EN SANTIAGO DE COMPOSTELA

Esta é a presentación do último traballo da autora olívica que, nesta nova obra, abre as portas aos lectores dunha Vigo por descubrir cunha historia "tan inquietante como esperanzadora", recentemente estreada e dispoñible desde o pasado abril en librarías.

Librarías como a do Corte Inglés de Santiago, o lugar escollido por Castro para reunir cos lectores este sábado 3 de maio, data na que presentará e asinará exemplares deste libro en horario de mañá, de 12 a 14 horas, e tarde, desde as 17 até as 21 horas. 

Esta cuarta novela de Castro, xornalista, tradutora e docente, aborda asuntos como a identidade e a reconstrución persoal, pero tamén as relacións familiares, a perda ou o duelo, con amores e desamores e un indubidable empeño da protagonista por superar as adversidades.