Carla Lourdes elixe O Corte Inglés de Vigo para a firma do seu primeiro disco

As reaccións ao debut de Carla Lourdes non se fixeron esperar despois de que saíse á venda o pasado 25 de abril 'O Día que Descubrín o Lunar da túa Orella', o primeiro traballo da artista afincada en Vigo. Para o seu primeiro directo aínda haberá que esperar até este venres, pero antes os fans teñen unha cita coa artista no Corte Inglés de Vigo.

DEBUT ESPERADO

Este 30 de abril, ás 20 horas na 7ª planta dos grandes almacéns olívicos, a cantante fará a presentación e firma do seu primeiro LP cun showcase desta serie de diarios persoais convertidos nun compendio de cancións en grao sumo pegadizas. 

Co amor como elemento central do álbu, o disco "deslízase canción a canción cunha voz doce sempre protagonista que explora rangos vocais máis agudos". Trátase da confirmación de Carla Lourdes como vocalista, despois de cegar con 'O querer das flores', un EP que a levou a dar preto de medio centenar de conviertos por todo o país.  

Agora, á espera de coñecer máis datas para poder gozar dos seus concertos máis aló do deste venres na Fábrica de Chocolate de Vigo, só queda esperar a vela sobre o escenario en grandes citas como o Río Verbena Fest ou o Festival PortAmérica, onde promete ser un dos grandes descubrimentos do público este verán.