Douscentos concellos recibirán axudas da Xunta para bibliotecas e axencias públicas de lectura municipais
En concreto, a convocatoria, publicada no Diario Oficial de Galicia (#DOG), divídese en dúas liñas, unha para a adquisición de novidades editoriais en galego en formato físico e a outra para a mellora das coleccións bibliográficas.
A Xunta de Galicia colaborará con preto de 200 concellos este ano a través de axudas dotadas con 550.000 euros para mellorar as coleccións bibliográficas e dotar de novidades editoriais as bibliotecas e axencias públicas de lectura municipais.
En concreto, a convocatoria, publicada no Diario Oficial de Galicia (#DOG), divídese en dúas liñas, unha para a adquisición de novidades editoriais en galego en formato físico e a outra para a mellora das coleccións bibliográficas.
Segundo debullou a Xunta nunha nota de prensa, a Consellería de Cultura, Lingua e Xuventude ofrecerá a un total de 185 concellos novidades editoriais en galego mediante un proceso de compra de libros en formato físico en función da demanda das bibliotecas e axencias de lectura.
Doutra banda, a segunda liña está enfocada en mellorar as coleccións bibliográficas das bibliotecas e axencias de lectura públicas de 190 municipios.
Escribe o teu comentario